Viciebskija miedyki prosiać pavyšeńnia zarobku 4

Plenum Viciebskaha abkama prafsajuza rabotnikaŭ achovy zdaroŭja pryniaŭ zvarot u Saviet Ministraŭ i svajo halinovaje ministerstva. Viciebskija miedyki prosiać pavyšeńnia zarpłaty.

Siaredni zarobak rabotnikaŭ achovy zdaroŭja Viciebskaj vobłaści za studzień-luty skłaŭ 2,5 miljona rubloŭ. Pry hetym kali siaredniaja zarpłata ŭračoŭ 4,4 miljona (500 dalaraŭ), to ŭ siaredniaha miedpiersanału — usio tyja ž 2,5 miljona, a ŭ absłuhoŭvajučaha piersanała i taho mienš. I heta niahledziačy na ​​toje, što z 1 studzienia taryfnyja staŭki byli istotna pavyšany, a ŭkaz Łukašenki № 29 dazvoliŭ značna pavysić zarobak miedsiostram. Adnak ciapier akazałasia, što paśla paŭstała dyspraporcyja ŭ apłacie pracy kvalifikavanych i niekvalifikavanych rabotnikaŭ. I akład rabotnika bieź śpiecyjalnaj adukacyi i padrychtoŭki, ale sa stažam pracy ŭ halinie, krychu vyšejšy, čym akład śpiecyjalista z vyšejšaj niemiedycynskaj ci siaredniaj miedycynskaj adukacyjaj.

Plenum Viciebskaha abkama prafsajuza rabotnikaŭ achovy zdaroŭja źviarnuŭsia va ŭrad z prapanovaj pavysić taryfnyja akłady ŭračam niezaležna ad kvalifikacyjnych katehoryj, jakija ažyćciaŭlajuć vysokatechnałahičnyja i składanyja miedycynskija ŭmiašańni i intensiŭnuju terapiju pacyjentaŭ paśla takich apieracyj. Viciebskija miedyki taksama ličać, što ŭ cełym pa krainie naśpieła nieabchodnaść kardynalnaj źmieny padychodaŭ da apłaty pracy miedrabotnikaŭ z ulikam dyfierencyravanaj acenki składanaści, kvalifikacyi, charaktaru, intensiŭnaści, vyniku i jakaści ich pracy.

0

0

0

0

0

0

Narodnaja Vola

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH