Alaksandr Łukašenka miarkuje, što Papa moža ŭ niedalokaj budučyni naviedać Biełaruś. Ab hetym jon zajaviŭ 10 krasavika na sustrečy z apostalskim nuncyjem u Respublicy Biełaruś Kłaŭdyjo Hudžeroci.
«Miarkuju, što niedaloki toj dzień, kali i Papa zmoža sustrecca ŭ Biełarusi sa svaimi prychilnikami. My budziem rady bačyć jaho.
My ŭ hetym napramku pavinny pracavać i z našym patryjarcham. My viadziem hetuju pracu.Dumaju, my tut možam vybudavać dobryja schiemy i pravieści dobryja mierapryjemstvy, jakija pasłužać umacavańniu nie tolki katalictva, ale i ŭsioj pastvy, i pravasłaŭnaj, i katalickaj i inšych na terytoryi Biełarusi», — skazaŭ Łukašenka.
«Ja saču za srodkami masavaj infarmacyi jak unutry Biełarusi, tak i za miežami našaj krainy.
Pavinien skazać, što nie atrymajecca. My ŭziali kurs na supracoŭnictva z Katalickaj carkvoj. My vielmi šmat zrabili razam z vami va ŭzajemaadnosinach dziaržavy i Katalickaj carkvy, — adznačyŭ Łukašenka. — … I ŭsie tyja płany, jakija my namiačali, razmaŭlajučy z Papam, my praktyčna realizavali.Siamu-tamu chočacca ŭbić klin i ŭ našy adnosiny z Papam.
Zastaŭsia adzin krok. Idzie padrychtoŭka pahadnieńnia, i my poŭnyja rašučaści jaho realizavać».
«Jašče raz chaču padkreślić, što my zaŭsiody raźličvali na aktyŭnuju padtrymku i dapamohu Katalickaj carkvy. I ja hladžu, jak adreahavali niekatoryja ŚMI, asabliva ŭ Polščy i inšych dziaržavach, na ŭčarašniuju maju prośbu ab tym, što Katalickaja carkva pavinna bolš aktyŭna abaraniać intaresy sotniaŭ tysiač katalikoŭ, jakija tut žyvuć. Niekatoryja heta ŭspryniali jak niejki paprok prezidenta ŭ adras Papy.
Paviercie, ja nikoha nie chacieŭ paprakać i navat nie chacieŭ ni patrabavać, ni prasić, — skazaŭ jon. —— Ja viedaju, što Papa Rymski, dobra raźbirajučysia ŭ palitycy, viedaje, što adbyvajecca na terytoryi Biełarusi, i vydatna razumieje, što tyja tysiačy katalikoŭ, jakija žyvuć tut, majuć patrebu ŭ jaho štodzionnaj padtrymcy i abaronie. Ja chaču, kab vy i Papa Rymski viedali, što prezident Biełarusi i ŭsia biełaruskaja ŭłada budzie prytrymlivacca taho ž kursu, ab jakim my damovilisia».
«U nas daroha ŭ chram lubomu čałavieku adkryta. My siońnia dali mahčymaść i pravasłaŭnym, i katalikam, i inšym kanfiesijam budavać stolki chramaŭ, kolki treba ludziam, jakija žyvuć u Biełarusi.My ŭ hetym napramku budziem vyrašać usie pytańni. Heta sutnaść našaj palityki. … I nijakich tut patrabavańniaŭ absalutna niama.
Ale kali Katalickaja carkva budzie na abaronie intaresaŭ spraviadlivaści, my zaŭsiody ahulnuju movu z katalikami i z Katalickaj carkvoj znojdziem.Heta hałoŭny naš pastułat. Usio pavinna być spraviadliva", -- padkreśliŭ jon.