Ministr abarony Čechii Alaksandr Vondra siońnia ŭručyŭ paśviedčańni ŭdzielnikam antykamunistyčnaha supracivu ŭ Čechasłavakii. Jany taksama atrymali pamiatny znak i šerah ilhotaŭ.
Zakon ab tak zvanym «trecim supracivie» ŭstupiŭ u siłu ŭ Čechii letaś, na hadavinu «aksamitnaj revalucyi» 17 listapada. Ludziam, jakija paciarpieli za svajo zmahańnie z kamunistyčnym režymam — naprykład, byli asudžanyja, zakon daje prava na hrašovuju kampiensacyju (100 tysiač kron, kala $5300), a ŭ vypadku nizkaj piensii — prava na jaje pavyšeńnie da siaredniestatystyčnaha ŭzroŭniu.
Hramadzianam, jakija zmahalisia sa zbrojaj u rukach, nadajecca status vieteranaŭ (prava na sanatoryj i inšyja adpaviednyja lhoty).
Siońnia paśviedčańni atrymali 23 čałavieki, usiaho ministerstvu padadziena kala troch tysiač zajavaŭ. Zakon vyklučaje, kab ušanavanymi za «treci supraciŭ» mahli stać asoby, kaliści źviazanyja z pracaj u milicyi, słužbach biaśpieki, ci tyja, chto ŭ časy «narmalizacyi» byŭ siabram tavarystva