Z 2000 hoda kolkaść zachvorvańniaŭ sistemy krovazvarotu vyrasła ŭdvaja 3

Z 2000 hoda kolkaść zachvorvańniaŭ sistemy krovazvarotu (CHSK) u Biełarusi vyrasła amal u dva razy. Pra heta paviedamiŭ namieśnik dyrektara pa arhanizacyjna-mietadyčnaj pracy respublikanskaha navukova-praktyčnaha centra «Kardyjałohija» Alaksandr Paciejeŭ 11 krasavika na pres-kanfierencyi ŭ Minsku.

Pavodle jaho słoŭ, kali ŭ 2000 hodzie zachvorvańnie nasielnictva na CHSK składała 17 tys. 869,8 na 100 tys. nasielnictva, to ŭ 2011 hodzie — 30 tys. 486,3 na 100 tys. Usiaho ŭ 2011 hodzie ŭ Biełarusi było zarehistravana 2 młn. 361 tys. pacyjentaŭ z CHSK, u tym liku 37% u pracazdolnym uzroście.

Najbolej raspaŭsiudžana arteryjalnaja hipiertenzija, niaŭskładnienyja formy jakoj vyjaŭleny ŭ 1 młn. 815 tys. žycharoŭ.

Ad išemičnaj chvaroby serca pakutuje 970 tys. chvorych, u tym liku amal čverć — u pracazdolnym uzroście. Praciahvajecca rost zachvorvańnia na vostryja parušeńni mazhavoha krovazvarotu. U 2011 hodzie ŭ Biełarusi zarehistravana bolš za 33 tys. takich pacyjentaŭ. CHSK źjaŭlajucca pieršaj pa raspaŭsiudžanaści pryčynaj śmierci ŭ Biełarusi. Na ich dolu prypadaje amal 52% śmierciaŭ.

Śpiecyjalist tłumačyć rost zachvorvańnia na CHSK i śmiarotnaści ad ich šeraham faktaraŭ: stareńniem nasielnictva, ciažkaj finansava-ekanamičnaj situacyjaj, rostam psicha-emacyjanalnych nahruzak, urbanizacyjaj, źmianieńniem charaktaru charčavańnia i ŭmoŭ žyćcia, pracy. Mnohija biełarusy viaduć małaruchomy ład žyćcia, majuć zališniuju masu cieła, kurać, užyvajuć śpirtnoje, što źjaŭlajecca faktarami ryzyki raźvićcia CHSK. Akramia taho, mnohija biełarusy nie kłapociacca pra ŭłasnaje zdaroŭje, nie viaduć zdarovy ład žyćcia. Narešcie, rost zachvorvańnia CHSK zbolšaha možna rastłumačyć palapšeńniem dyjahnostyki zachvorvańniaŭ, ličyć śpiecyjalist.

Paciejeŭ vykazaŭ asablivuju zakłapočanaść rostam śmiarotnaści ad CHSK u pacyjentaŭ u pracazdolnym uzroście. Pavodle jaho słoŭ, bolšaja častka takich vypadkaŭ tłumačycca sacyjalnaj napaśpiachovaściu, złoŭžyvańniem ałkaholem, nieadekvatnym staŭleńniem pacyjentaŭ da svajho zdaroŭja. U 15% vypadkaŭ maje miesca niesvoječasovy zvarot pa miedycynskuju dapamohu. Kožny dziasiaty pamierły ad CHSK u pracazdolnym uzroście mieŭ spadarožnuju patałohiju, čaściej za ŭsio cukrovy dyjabiet druhoha typu i cyroz piečani alimientarna-taksičnaha hieniezu.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH