15 sakavika adna z samych pryvabnych dziaŭčat biełaruskaha šoŭ‑bizu, studentka‑pierakładčyca, rok‑kniazioŭna‑2005 Rusia z hurtu Indiga, śviatkavała dzień narodzinaŭ.
Napiaredadni pryvatnaha śviata Rusia pahadziłasia adkazać na niekalki pytańniaŭ «Našaj Nivy».
«NN»: 6 sakavika ty brała ŭdzieł u viečarynie maładych litarataraŭ, pryśviečanaj 100-hodździu «Našaj Nivy», z udziełam A.Chadanoviča, U.Niaklajeva, Ł.Barščeŭskaha. Ci jość niejkaje asablivaje adčuvańnie, što razam u adnoj zali sabralisia budučyja kupały, kołasy, bahdanovičy, ciotki?..
Rusia: Takija imprezy stymulujuć žadańnie zajmacca tvorčaściu dalej. Bo kali zvyčajna korpajeśsia ŭ muzycy, adčuvaješ, što nia ŭsio atrymoŭvajecca tak, jak chočacca. Ale voś bačyš ludziej, jakija zajmajucca litaraturaj vielmi dobra i ŭdała, i heta źjaŭlajecca vielmi dobrym prykładam. Tamu mnie padabajecca chadzić na litaraturnyja viečaryny, asabliva kali tam udzielničaje spadar Chadanovič, bieź jakoha ja prosta nie ŭjaŭlaju svajho tvorčaha žyćcia.
«NN»: Što prychilniki ŭbačać novaha na klubnym vystupie Indiga 17 sakavika?
Rusia: Budzie niekalki siurpryzaŭ, pra jakija nia budu zaraz kazać… Taksama nas padtrymaje małady biełaruski hurt «Krok». Darečy, vakalist Roma, kažuć, samy seksapilny małady vykanaŭca na rok‑scenie. My j vyrašyli jaho zaprasić naturalna dziela taho, kab prydbać sabie peŭnuju častku jaho aŭdytoryi. Naviedvalniki pačujuć zusim novyja pieśni z albomu, nad jakim my zaraz pracujem u studyi.
«NN»: Jakoje staŭleńnie Rusi da taho, što Iharu Varaškieviču ŭłady nie dali mahčymaści prezentavać svoj albom pierad šyrokaj aŭdytoryjaj?
Rusia: Vielmi sumna. Atrymoŭvajecca, što całkam zabaraniajuć prafesiju: u nas zabaroniena być muzykaj. Ale ja spadziajusia, što hodnaja prezentacyja ŭsio ž adbudziecca. Dumaju navat, moža źniać jakuju kvateru vialikuju, kab zrabić kancert dla Varaškieviča i «Kramy».
