Supracoŭniki śpiecnaza UUS Homielskaha abłvykankama i Navabielickaha adździeła departamienta achovy MUS vyratavali dvuch školnic, jakija ŭviečary 9 maja sprabavali skončyć žyćcio samahubstvam, paviedamili ŭ
A vośmaj viečara ŭ milicyju patelefanavali minaki, raspavioŭšy, što dźvie dziaŭčyny źbirajucca skoknuć u vadu z aŭtamabilnaha mosta cieraz raku Sož. Ciaham piaci chvilin tudy prybyli milicyjanty.
Padjazdžajučy da mosta, jany ŭbačyli, što adna dziaŭčyna ŭžo skoknuła ŭ vadu. Try milicyjanty kinulisia za joju.Dziaŭčynie dapamahli dapłyści da bieraha i pieradali bryhadzie chutkaj dapamohi. Z dyjahnazam «pieraachaładžeńnie» školnicu dastavili ŭ balnicu. Pakinutuju na moście dziaŭčynu bajcy śpiecnaza pierakanali nie skakać.
Pavodle papiarednich źviestak, rašeńnie dziesiacikłaśnicy adnoj z homielskich škoł źvieści rachunki z žyćciom było vyklikana prablemami asabistaha charaktaru:
u adnoj sapsavalisia adnosiny z chłopcam, u druhoj niadaŭna pamierła siabroŭka.
MUS rychtuje dakumienty na ŭznaharodžańnie supracoŭnikaŭ, jakija vyratavali žyćci padletkam.
0
0
0
0
0
0
