Rasijski avijapieravozčyk AAT «Aerafłot» nie razhladaje mahčymaść kupli nacyjanalnaha pieravozčyka Biełarusi «Biełavija». Pra heta zajaviŭ 15 maja kiraŭnik kampanii Vital Savieljeŭ.
«Heta pytańnie nijak nie razhladałasia ŭ „Aerafłocie“, bo nijakich aficyjnych zvarotaŭ niama. Pa „Biełavija“ ŭ nas niama nijakich vynikaŭ, i my ničoha nie abmiarkoŭvajem», — skazaŭ jon, adkazvajučy na pytańnie pra kuplu biełaruskaj avijakampanii.
Raniej paviedamlałasia, što biełaruskija ŭłady płanujuć akcyjanavać «Biełavija» i zatym pradać avijakampaniju. Patencyjalnym pakupnikom nazyvaŭsia «Aerafłot», adnak paźniej heta infarmacyja była abvierhnuta Minskam. Kiraŭnik Ministerstva transpartu i kamunikacyj Ivan Ščerba ŭ pačatku maja zajaŭlaŭ, što Biełaruś nie płanuje pradavać «Biełavija» ni ŭ hetym, ni ŭ nastupnym hodzie.
0
0
0
0
0
0