Turaŭskaja jeparchija prakamientavała źjaŭleńnie na drevie ŭ vioscy Hubarevičy Chojnickaha rajona «abličča Baharodzicy». Pra «cudy» ŭ Chojnickim rajonie, źviazanyja z prajaŭleńniem na viazie ŭ vioscy Hubarevičy «abličča Baharodzicy», paviedamili dziaržaŭnyja telekanały.
U navinach havaryłasia, što ŭ adsielenuju viosku jeduć sotni pałomnikaŭ, kab ubačyć i pakłanicca abličču na drevie, jakoje raptam źjaviłasia. Ludzi niasuć da dreva cukierki, jabłyki, kvietki, abviazali «cudatvorny» viaz ručnikami. Pavodle raspoviedu miascovych žycharoŭ, da 1938 hoda niedaloka ad viazu stajała viaskovaja carkva, u jakoj znachodziŭsia cudatvorny abraz Božaj Maci. Miascovyja miarkujuć, što pryjezdžyja pałomniki pavieryli, što kontur cudatvornaha abraza adpiačataŭsia na drevie.
Infarmacyjny adździeł Turaŭskaj jeparchii raspaŭsiudziŭ kamientaryj adnosna «źjaŭleńnia cudatvornaha abličča».
«Pieršyja dakumientalnyja źviestki pra chram u vioscy Hubarevičy znachodzim u kancy XVIII stahodździa. Z kliravych viedamaściaŭ viadoma, što chram da 1795 hoda byŭ unijackim, a zatym — pravasłaŭnym.
«Apošnimi dniami ŭ Turaŭskaje jeparchijalnaje ŭpraŭleńnie stała pastupać infarmacyja datyčna „prajaŭleńnia abraza Baharodzicy“ na zrezie dreva ŭ vioscy Hubarevičy. Hety zrez byŭ zrobleny ŭ 2010 hodzie, ab čym śviedčać novyja akruhleńni maładoj kary, što havoryć pra toje, što zrez niaśviežy. Na hetym zrezie mahčyma ŭbačyć akruhleńni pravaha plača i hałavy, kali ŭjavić sabie vobraz.
Kamientaryi miascovych žycharoŭ pra cudatvorny abraz Božaj Maci nie majuć pad saboj histaryčnaj asnovy i nie mohuć źjaŭlacca histaryčnym śviedčańniem ab carkvie Rastva Baharodzicy ŭ vioscy Hubarevičy. Carkva budzie malicca, kab Haspodź pakazaŭ svoj promysieł», — prakamientavała jeparchija «cud».
