Mjanma prapanuje Biełarusi ŭdzielničać u raspracoŭcy radoviščaŭ zołata, miedzi i vołava, paviedamili ŭ pres-słužbie biełaruskaha ŭrada.
U pres-słužbie nahadali ab tym, što ŭ śniežni 2011 hoda adbyŭsia vizit u Mjanmu ŭradavaj delehacyi Biełarusi na čale z prem'jer-ministram Michaiłam Miaśnikovičam. U raźvićcio damoŭlenaściej, dasiahnutych u čas hetaha vizitu, z 28 lutaha pa 6 sakavika biahučaha hoda Mjanmu naviedała hrupa biełaruskich śpiecyjalistaŭ, u tym liku AAT «Biełhorchimpram» dla acenki pierśpiektyŭnaści raspracoŭki i zdabyčy karysnych vykapniaŭ u hetaj krainie.
«Z ulikam vieličyni zapasaŭ, mahčymaściej abahačeńnia i pierapracoŭki asobnych vidaŭ syraviny na asnovie pradastaŭlenych biełaruskamu boku materyjałaŭ dla dalejšaj mahčymaj daraźviedki i raspracoŭki vyznačany radoviščy zołata i miedzi (rajon Šanhałon) i vołava (rajon Daviej)», — udakładnili ŭ pres-słužbie. Atrymanyja z Mjanmy materyjały ciapier vyvučajucca.
Departamient pa hieałohii Minpryrody pavinien da 15 červienia padrychtavać i pradstavić va ŭrad analityčnuju zapisku ab pierśpiektyvach hieałahičnaha davyvučeńnia vydzielenych pierśpiektyŭnych učastkaŭ i metazhodnaści pramysłovaj raspracoŭki radoviščaŭ karysnych vykapniaŭ, jakija mohuć być vyjaŭleny pa vynikach vykanańnia hieołaharaźviedačnych rabot na terytoryi Mjanmy.
«Papiaredni analiz śviedčyć, što terytoryja Mjanmy patencyjalna bahata rudnymi karysnymi vykapniami, — dadali ŭ pres-słužbie. — Uličvajučy adsutnaść kandycyjnych i dakładnych materyjałaŭ pa raźviedanych radoviščach, zadačaj raźvićcia supracoŭnictva Biełarusi z Mjanmaj u halinie raźviedki i zdabyčy karysnych vykapniaŭ źjaŭlajecca pastanoŭka pošukavych i hieołaharaźviedačnych rabot». Tolki pa vynikach hieołaharaźviedačnych rabot stanie mahčymym dać acenku metazhodnaści pramysłovaj raspracoŭki vyvučanych radoviščaŭ karysnych vykapniaŭ na terytoryi Mjanmy z udziełam biełaruskaha boku
BiełTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH