Pres-sakratar MZS Biełarusi Andrej Savinych nazvaŭ «niedarečnaj» zajavu kiraŭnika źniešniepalityčnaha viedamstva Litvy Aŭdroniusa Ažubalisa pra metazhodnaść stvareńnia pierachodnaj rady ŭ Biełarusi.
«Składvajecca ŭražańnie, što Ažubalis pačynaje dumać jak Fieliks Dziaržynski. Moža, heta adbyłosia ad stomy, jak jon sam kaža, ale pa stupieni niedarečnaści hetaj zajavy jon u svaim statusie ministra zamiežnych spraŭ moža śmieła pretendavać na zapis u Knizie rekordaŭ Hiniesa», — zajaviŭ Savinych u kamientary BiełaPAN.
Nahadajem, u intervju centru Carnegie Europe Ažubalis skazaŭ, što «stamiŭsia ad usich płanaŭ pa padtrymcy apazicyi ŭ Biełarusi». «Apazicyja razdroblenaja. U jaje niama nijakaj vyraznaj linii pa padrychtoŭcy da nastupnych vybaraŭ. Ja baču adzin, davoli adčajny šlach. Razam z našymi siabrami ŭ Amierycy nam treba pačynać dumać pra pierachodnuju radu. My pavinny stvaryć alternatyŭny centr siły. Takaja paralelnaja struktura mahła b znajści vodhuk u krainie. Heta ideja, ale pakul ja nie atrymaŭ nijakaj reakcyi na jaje z Brusiela», — adznačyŭ litoŭski ministr.
