«Narodnaja vola» i «Chartyja» nakinulisia na Statkieviča 98

Žurnalist «Narodnaj voli» nazvaŭ svoj artykuł «Šok: kamanda Statkieviča idzie na vybary». A «Chartyja» jaho pieradrukavała na pieradavicy.

«Dziŭnaja atrymoŭvajecca situacyja: šerah partyj hałoŭnaj umovaj svajho ŭdziełu ŭ parłamienckich vybarach nazyvajuć vyzvaleńnie palitviaźniaŭ, a kali hetaha nie adbudziecca, źbirajucca abjavić vybaram bajkot, u toj ža čas partyjcy, lidar jakich — Mikałaj Statkievič — znachodzicca za kratami, ad bajkotu admovilisia», — piša žurnalist.

Naŭrad ci Statkievič maje iluzii nakont vyniku «vybaraŭ». Ale takaja pazicyja Statkieviča: jon i ŭ 1999-m, i paźniej ličyŭ, što treba vykarystoŭvać praviły hulni režymu, kab pakazvać ludziam alternatyvu. Urešcie, i Płoščaŭ 2006 i 2010 nie było b, kab nie bieznadziejny ŭdzieł Milinkieviča, Sańnikava ci Statkieviča. I mienavita ž tyja Płoščy dali krainie nadzieju: jość jašče siły, što kryŭdzie nie dajucca, zmahajucca.

U artykule «Narodnaj voli» nie abychodzicca i biez marazmu: «Niejkaja pieraviernutaja i niezrazumiełaja situacyja. Asabliva kali ŭličvać, što bolš ni adzin inšy palitźniavoleny, akramia Statkieviča, prosta nie mieŭ mahčymaści napisać z-za krataŭ jakich-niebudźpalityčna-značnych listoŭ», — tłusta namiakaje aŭtar.

Pry hetym žonku palitviaźnia, Marynu Adamovič, pa-chamsku paraŭnoŭvajuć z Krupskaj. Nu, jak toj kazaŭ, nie daj Boh i vam takoha ščaścia.

0

0

0

0

0

0

Mikoła Buhaj

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH