Unitarnaje palihrafičnaje pradpryjemstva «Viciebskaja abłasnaja drukarnia» 22 sakavika admoviłasia drukavać niezaležnuju hramadska‑palityčnuju hazietu «Vitiebskij kuŕjer».
Pra heta BiełaPAN paviedamiŭ hałoŭny redaktar vydańnia Uładzimir Bazan. «Pra toje, što z «Vitiebskim kuŕjerom» nie budzie zaklučany dahavor na drukavańnie vydańnia, pradstaŭnikam redakcyi — vykanaŭčamu dyrektaru i jurystu — zajaviŭ dyrektar abłasnoj drukarni Jaŭhien Łaryčaŭ. Pry hetym jon nie patłumačyŭ pryčynu admovy», — skazaŭ U.Bazan.
Pavodle jaho słoŭ, niahledziačy na admovu drukarni, zaŭtrašni numar haziety («Vitiebskij kuŕjer» vychodzić dvojčy na tydzień — pa aŭtorkach i piatnicach) usio ž trapić da čytačoŭ. Nakładam 1.700 asobnikaŭ numar drukujecca na pryntery ŭ ofisie redakcyi. Jon budzie mieć farmat A4 (raniej A2).
❏
Hazieta «Vitiebskij kuŕjer» vydavałasia z 1906 pa 1913 hady. Paśla praciahłaha pierapynku vypusk vydańnia byŭ adnoŭleny 9 červienia 1990 hoda. Sa studzienia 2006 hoda viciebski filijał «Biełpošty» i pradpryjemstva «Viciebskabłsajuzdruk» biez tłumačeńnia pryčyn skasavali dahavory z «Vitiebskim kuŕjerom» ab dastaŭcy haziety padpisčykam i raspaŭsiudžvańni praz kijoski. Ciapier hazieta dachodzić da čytačoŭ praz hramadskich raspaŭsiudžvalnikaŭ.