10 hramadzian Biełarusi, najbolš aktyŭnych fihurantaŭ tak zvanaj kalijnaj spravy, aryštavanyja i źmieščanyja ŭ SIZA KDB, paviedamiŭ žurnalistam načalnik hałoŭnaha ŭpraŭleńnia ekanamičnaj biaśpieki KDB Biełarusi Viktar Rusak.
«Vyjaŭlena dobra arhanizavanaja, terytaryjalna razhalinavanaja złačynnaja hrupa, što nanosiła istotnuju ekanamičnuju škodu intaresam dziaržavy», — padkreśliŭ V.Rusak, udakładniŭšy, što tolki za 2011 hod škoda ad niezakonnaha handlu kalijnymi ŭhnajeńniami skłała amal 109 młrd. rubloŭ (kala $30 młn).
Pavodle jaho słoŭ, złačynnaja schiema zaklučałasia ŭ nabyćci kalija pa košcie ad $12 da $20 za tonu ŭ ahraservisaŭ i fiermierskich haspadarak. Dalej, z padroblenymi dakumientamš, pad vyhladam rasijskaj pradukcyi, kalij pastaŭlaŭsia za miažu pa $350–400 za tonu. «U supraćpraŭnuju dziejnaść było ŭciahnuta nie mienš za 40 čałaviek, 4 aŭtanomnyja złačynnyja hrupy, vykarystoŭvałasia niekalki subjektaŭ haspadarańnia», — udakładniŭ V.Rusak.
0
0
0
0
0
0
