Prezident Rasii Uładzimir Pucin, «kirujučysia pryncypami humannaści», ukazami ad 30 maja pamiłavaŭ dvuch biełaruskich kantrabandystaŭ — Siarhieja Łahuna i Alaksandra Čačurava (abodva 1985 hoda naradžeńnia).
10 vieraśnia 2007 hoda Ćviarski rajonny sud Maskvy pryhavaryŭ Čačurava i Łahuna da 14 hadoŭ kałonii strohaha režymu, pryznaŭšy ich vinavatymi ŭ kantrabandzie psichatropnych rečyvaŭ (častka 2 artykuła 188 KK RF) i ich niezakonnym zbycie (častka 3 artykuła 228.1 KK RF). Hramadzianie Biełarusi pryvieźli ŭ Rasiju tysiaču tabletak ad kašlu «Tusał» polskaj vytvorčaści, dazvolenych da prodažu ŭ Biełarusi i zabaronienych u Rasii, bo ŭtrymlivajuć psichatropnaje rečyva dekstramietarfan. Rasijanin, jaki zamoviŭ biełarusam preparat praź internet i nazvaŭsia aptekaram, akazaŭsia supracoŭnikam słužby pa narkakantroli. 7 sakavika 2007 hoda Čačuraŭ i Łahun byli zatrymany supracoŭnikami ŭpraŭleńnia Fiederalnaj słužby pa kantroli za niezakonnym abarotam narkotykaŭ Centralnaj akruhi Maskvy.
29 kastryčnika taho ž hoda Maskoŭski haradski sud źniziŭ pakarańnie asudžanym da dzieviaci hadoŭ pazbaŭleńnia voli.
Infarmacyja ab pamiłavańni biełaruskich hramadzian źjaviłasia na sajcie Kramla 1 červienia, paśla vizitu Pucina ŭ Minsk.
