Pierad pajezdkaj u Jehipiet abo Turcyju miedyki rajać pryščepku suprać hiepatytu A 1

Miedyki rekamiendujuć zrabić pryščepku suprać hiepatytu, A pierad pajezdkaj na adpačynak u Jehipiet, Turcyju i inšyja haračyja krainy.

Pra heta paviedamili ŭ adździele epidemijałohii Respublikanskaha centra hihijeny, epidemijałohii i hramadskaha zdaroŭja (RCHEIHZ).

Virus hiepatytu, A lohka raspaŭsiudžvajecca razam ź ježaj i vadoj, praz roznyja pradmiety i inšymi šlachami, jon vyklikaje vostraje zachvorvańnie piečani. U Biełarusi zachvorvańnie na hiepatyt, A ŭvieś čas źnižajecca, adnak u susiednich krainach rehistrujucca zavoznyja vypadki, hałoŭnym čynam ź Jehipta, adznačyli ŭ RCHEIHZ.

Pryščepku varta zrabić jak minimum za dva-čatyry tydni da vyjezdu. Imunitet zachavajecca na hod-paŭtara.

Dla stvareńnia imunitetu na 20 hadoŭ i bolš praz šeść miesiacaŭ paśla pieršaj pryščepki nieabchodna zrabić druhuju.

Pierad pajezdkaj u jeŭrapiejskija krainy, u tym liku i va Ukrainu, u RCHEIHZ taksama rekamiendujuć pravieryć najaŭnaść pryščepki ad adzioru. U bolšaści biełarusaŭ jana jość, adnak siarod moładzi ad 20 da 29 hadoŭ davoli šmat tych, chto nie rabiŭ pryščepku. Pry adsutnaści infarmacyi pra imunny status ludziam, jakija nie chvareli na adzior, rekamiendujecca zrabić pryščepku ad zachvorvańnia za 3–4 tydni da vyjezdu ź Biełarusi.

Pierad pajezdkaj u bolšaść krain Afryki i Łacinskaj Amieryki, u tym liku ŭ Braziliju i Vieniesuełu, nieabchodna zrabić pryščepku suprać žoŭtaj lichamanki. Heta zachvorvańnie pieradajecca kamarami i vyklikaje ciažkija paškodžańni ŭnutranych orhanaŭ čałavieka. Biez daviedki pra najaŭnaść pryščepki suprać žoŭtaj lichamanki ŭ krainy, dzie isnuje niebiaśpieka zarazicca hetym zachvorvańniem, ujezd zabaronieny.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH