Servis
Rekłama budzie adlustroŭvacca ŭ aknie razmovy padčas hałasavoha vykliku biez užyvańnia videasuviazi.Jaje ŭbačać tolki karystalniki Windows, u jakich adsutničajuć srodki na rachunku Skype i niama aktyŭnych padpisak na pasłuhi telefanii.
Paviedamlajecca, što abjavy nie paŭpłyvajuć na jakaść suviazi. Rekłama budzie biazhučnaj. Pradavać jaje Skype płanuje ŭ 55 krainach.
Siervis pakidaje za saboj prava pakazvać karystalnikam tarhieciravanuju rekłamu, abapirajučysia na źviestki pra poł, uzrost i miesca žycharstva z profilu. Pry žadańni karystalnik zmoža zakryć dostup da hetych dadzienych u mieniu naładak.
Miarkujučy pa apublikavanych u błohu Skype skrynšotach, pad abjavami budzie raźmiaščacca knopka «Zakryć rekłamu».
Pra toje, što Skype budzie adlustroŭvać rekłamu padčas zvankoŭ, stała viadoma ŭ vieraśni 2011 hoda. Funkcyja zhadvałasia ŭ apisańni Skype 5/6 dla Windows. Rekłamnyja abjavy na hałoŭnym ekranie Skype źjavilisia ŭ sakaviku 2011 hoda.
0
0
0
0
0
0