Vajennaja apieracyja NATO ŭ Siryi — sprava vyrašanaja, piša izrailski partał Debka, blizki da krynic u śpiecsłužbach krainy. Takuju apieracyju prosić pravieści siryjskaja ŭzbrojenaja apazicyja.
Jak paviedamlajecca, Vašynhton, jaki pačatkova byŭ suprać, ale źmianiŭ pazicyju pad ciskam Turcyi, Ijardanii i Saudaŭskaj Aravii — svaich blizkaŭschodnich sajuźnic, jakija vystupajuć ćviorda suprać ałavickaha režymu Asadaŭ.
Siamja Asadaŭ kiruje Siryjaj bolš za 40 hadoŭ, abapirajučysia na rasijskuju dapamohu. U Siryi niama svabodnych vybaraŭ. Dyktatarski režym Asadaŭ śviecki i nacyjanalistyčny, tady jak u apazicyi jamu pieravažajuć isłamisty.
Mirnyja pratesty z patrabavańniami pieramienaŭ raspačalisia ŭ Siryi pad upłyvam revalucyj u Tunisie, Jehipcie i Livii. Asady zreahavali na heta zvykłymi represiŭnymi mietadami. Tady pratesty pieraraśli ŭ paŭstańnie. Ciapier ža mižnarodnyja naziralniki nazyvajuć situacyju ŭ krainie poŭnamaštabnaj hramadzianskaj vajnoj.
U subotu naziralniki AAN paviedamili ab prypynieńni svajoj misii paśla taho jak ich kanvoi papali pad abstreły siłaŭ, łajalnych Asadu, u roznych punktach krainy.
