Heta stała mahčymym paśla taho, jak siońnia Centralnaja vybarčaja kamisija ŭchvaliła adpaviednuju pastanovu.
Adnak karystańnie hetym fondam abmiežavanaje. Naprykład, sam kandydat u deputaty moža nieści ŭ jaho nie bolš za 20 bazavych vieličyniaŭ. Fizičnaja asoba, jakaja padtrymlivaje hetaha kandydata, — nie bolš za 5 bazavych vieličyniaŭ (500 tys. rubloŭ na siońnia), a jurydyčnaja asoba — nie bolš za 10 bazavych vieličyniaŭ (1 młn rubloŭ).
Jość abmiežavańnie i na tratu hrošaj. Kandydat u deputaty nie moža patracić bolej, čym sto miljonaŭ rubloŭ. «Heta abmiežavańnie zroblena, kab nie atrymałasia tak, što kandydaty ŭ deputaty padzialilisia b na bahatych i biednych», — patłumačyła Jarmošyna.
Kožny kandydat u deputaty moža adkryć tolki adzin rachunak i tolki ŭ Biełarusbanku.
Lidzija Jarmošyna skazała, što ŭpieršyniu sistema asabistych finansavych fondaŭ była aprabavanaja ŭ Biełarusi ŭ 2010 hodzie padčas prezidenckich vybaraŭ, adnak ź dziesiaci kandydataŭ u prezidenty hetaj mahčymaściu skarystalisia tolki čatyry.