Na RUVP «Hranit» (Mikaševičy) surjozna vyraśli zarpłaty, naličanyja za maj. Pra heta «Salidarnaści» paviedamiŭ lidar pieršasnaj arhanizacyi Biełaruskaha niezaležnaha prafsajuza hetaha pradpryjemstva Aleh Stachajevič.
— U mai zarobki ŭ siarednim pavialičylisia ŭdvaja, — adznačyŭ prafsajuzny lidar. —
Samyja vysokaapłatnyja śpiecyjalnaści — kiroŭcy «BiełAZaŭ» stali atrymlivać ad 8 da 11 miljonaŭ rubloŭ, mašynisty ekskavataraŭ — 7–9 miljonaŭ. Rabočyja inšych śpiecyjalnaściaŭ — prykładna 4–6 miljonaŭ rubloŭ u miesiac.Havorka idzie nie pra naličanuju, a pra «čystuju», atrymanuju na ruki zarpłatu.
Mnohija rabočyja «Hranitu» takoje ščodraje pavyšeńnie zarpłaty najmalnikam źviazvajuć ź dziejnaściu niezaležnaha prafsajuza.
— Samaje hałoŭnaje —
spyniłasia chamskaje staŭleńnie da prostych rabočych z boku kiraŭnictva.Z nami stali zusim inakš havaryć, — adznačyŭ Aleh Stachajevič.
Pavodle jaho słoŭ,
jašče paŭhoda tamu kiraŭnictva «Hranitu» śćviardžała, što zarobki pavialičyć mahčymaści niama.
— Ubačyŭšy, što členaŭ piarvički BNP mienš nie stanovicca (bolš za toje, što da nas prychodziać novyja ludzi), usiaho za miesiac zarobak vyras udvaja. Dumaju, što
raźlik načalstva zadobryć rabočych i pamienšyć takim čynam upłyŭ i papularnaść niezaležnaha prafsajuza, — nie spracuje.Ludzi bačać, što dziakujučy zhurtavanaści i ćviordaj pazicyi možna čahości dasiahnuć. Pracoŭnyja źviazvajuć rost zarobkaŭ z efiektyŭnaj dziejnaściu prafsajuza, — padsumavaŭ prafsajuzny lidar.
0
0
0
0
0
0
