Hości z dvuch viasiellaŭ, jakija prachodzili ŭ restarannym kompleksie kłuba «Rabinzon» na minułych vychadnych, u hety momant špitalizavany ŭ infiekcyjnaj balnicy pa vulicy Krapotkina».
Jak raskazaŭ «Našaj Nivie» adzin ź viasielnikaŭ, prablemy sa straŭnikam pačalisia ŭ bolšaści haściej. Sam jon acaleŭ, jak jon ličyć, tamu, što ad pačatku ŭžyvaŭ mocnyja ałkaholnyja napoi. A voś žančyny, jakija pili viny ci nie pili zusim, trapili ŭ balnicu ź simptomami atručvańnia.U «Haradskoj kliničnaj infiekcyjnaj balnicy» paćvierdzili, što ŭ niadzielu, 17 červienia ŭ pryjomnaje adździaleńnie balnicy stali pastupać ludzi z vanitami, tempieraturaj i panosam, jakija raskazali, što napiaredadni byli ŭ restaranie «Robinson Club».
Jak raskazała doktarka pryjomnaha adździaleńnia, što prymała pacyjentaŭ, Śviatłana Malec, u jaje źmieny pastupili try čałavieki. «U 16.50 na chutkaj pryjechała dziaŭčyna, potym pastupiła jaje mama. Paźniej pastupiła jašče adna dziaŭčynka. Stan pacyjentaŭ było siaredniaj ciažkaści. Ale simptomy atručvańnia jasnyja», — skazała jana.
Ludzi, pa słovach Śviatłany Malec, pastupali jašče i ŭ paniadziełak, i ŭ aŭtorak.Udakładnić dakładnuju kolkaść čałaviek nie ŭdałosia.
Sa słovaŭ viasielnika, prynamsi 9 čałaviek ź jahonaha śviata ciapier u balnicy. Jon kaža, što toje samaje — va ŭdzielnikaŭ inšaje haściny, što adbyvałasia ŭ
Razam z tym administratar restarana «Robinson Club» Raman paviedamiŭ, što, nibyta, da ich sa skarhami nichto nie źviartaŭsia.
«Rabinzon-kłub» — šykoŭny kompleks na bierazie Minskaha mora, zbudavany ŭłaśnikam «Karony» Paŭłam Tapuzidzisam.
* * *
Bolš pra Tapuzidzisa, jahonyja prajekty i jahonuju pracu staršyniom učastkovaj vybarčaj kamisii — u artykule «Ścipły miljanier Pavieł Tapuzidzis».