Pašparty ŭ internet-kaviarniach admieniać, ale prapanujuć uvieści videakantrol 5

Uładalnikam internet-kaviarniaŭ i kampjutarnych kłubaŭ prapanujecca dazvolić alternatyŭnyja sposaby identyfikacyi karystalnikaŭ — z vykarystańniem techničnych srodkaŭ fota- i videafiksacyi abo inšym prahramna-techničnym sposabam, uklučajučy SMS-paviedamleńnie, što zabiaśpiečvaje supastaŭleńnie sietkavych rekvizitaŭ karystalnikaŭ ź ich ustanovačnymi danymi.

Ab hetym havorycca ŭ prajekcie pastanovy Savieta Ministraŭ, padrychtavanym Ministerstvam suviazi i infarmatyzacyi i prapanavanym dla hramadskaha abmierkavańnia.

Ciapier identyfikacyja karystalnikaŭ (a heta abaviazkovaja ŭmova akazańnia pasłuh pieradačy danych) u punktach kalektyŭnaha karystańnia pravodzicca šlacham ažyćciaŭleńnia ŭliku jaho piersanalnych danych (imia, imia pa baćku, proźvišča, vid i numar dakumienta, što daje mahčymaść identyfikavać asobu jaho ŭładalnika, nazva orhana, jakaja jaho vydała). Kali prajekt pastanovy budzie pryniaty, internet-kafe i kampjutarnyja kłuby zmohuć vykarystoŭvać dla hetaj mety bolš sučasnyja i mienš ciažkija sposaby.

«Kankretny sposab identyfikacyi vyznačajecca kiraŭnikom punkta kalektyŭnaha karystańnia abo ŭpaŭnavažanaj im asobaj», — havorycca ŭ dakumiencie.

Pry akazańni karystalnikam pasłuh pieradačy danych i telematyčnych pasłuh u kampjutarnym kłubie abo internet-kaviarni kiraŭnik abo ŭpaŭnavažanaja im asoba zabiaśpiečvajuć viadzieńnie, ulik i zachoŭvańnie piersanalnych danych karystalnikaŭ; źviestak ab časie pačatku i zakančeńnia akazańnia pasłuh; elektronnaha žurnała, kudy ŭklučajucca identyfikacyjnyja źviestki ab abanienckich ustrojstvach i h.d.

Zhodna z prajektam pastanovy, zachoŭvać źviestki, u tym liku infarmacyju, zafiksavanuju srodkami fota- i videafiksacyi abo inšym prahramna-techničnym sposabam, internet-kafe i kampjutarnym kłubam nieabchodna na praciahu hoda.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH