Moŭčan u balnicy na nastupny paśla źbićcia dzień.
Sudovuju spravu źbitaha milicyjanierami aktyvista «Jeŭrapiejskaj Biełarusi» Andreja Moŭčana buduć razhladać u sudzie Pieršamajskaha rajona Minska 4 lipienia.
«Siońnia ja atrymaŭ pozvu, u jakoj napisana — źjavicca 4 lipienia ŭ sud Partyzanskaha rajona Minska ŭ 15.30. Maja sprava prachodzić pa artykule 23.34 — niesankcyjanavanaje pikietavańnie. Proźvišča sudździ nie paznačanaje», — skazaŭ Moŭčan.
19 maja Andrej Moŭčan razharnuŭ bieł-čyrvona-bieły ściah kala ŭniviersama «Pieršamajski» ŭ minskim mikrarajonie Uručča na znak salidarnaści ź Siarhiejem Kavalenkam. Milicyjanty zatrymali jaho i žorstka źbili. Pavodle papiaredniaj vysnovy lekaraŭ, u Andreja była čerapna-mazhavaja traŭma, pierałom nižniaj skivicy i rebraŭ, adbityja nyrki i nohi.
0
0
0
0
0
0
