27 červienia ŭ Nacyjanalnaj biblijatecy Biełarusi ŭ Minsku adbyłasia prezientacyja dvuchtomnika«Chronika-2000 .Ukraina-Biełaruś» , vydadzienaha ŭ miežach prajekta «Ukraina — historyja vialikaha naroda».
Jak skazaŭ padčas prezientacyi pasoł Ukrainy ŭ Biełarusi Viktar Cichanaŭ, pieršaja i adzinaja kanstytucyja va Ukrainie była pryniataja ŭ 1996 hodzie. «Jana praktyčna nie źviedała źmianieńniaŭ — była sproba ŭ 2004 hodzie, kali byŭ „aranžavy putč“. Tady niekatoryja siły damaŭlalisia i sprabavali źmianić kanstytucyju ŭ bok parłamientaryzmu. Ale, na žal, było zroblena vielmi šmat parušeńniaŭ, i Kanstytucyjny sud Ukrainy admianiŭ usie dapaŭnieńni, što byli zroblenyja», — adznačyŭ Cichanaŭ.
Darečy, tłumačalny słoŭnik ruskaj movy Ožahava vyznačaje słova «putč» jak «dziaržaŭny pieravarot, učynieny hrupaj zmoŭščykaŭ».
Pasoł Ukrainy ŭ Biełarusi paviedamiŭ, što va Ukrainie śpiecyjalisty pracujuć nad prajektam novaj kanstytucyi. Pavodle mierkavańnia Cichanava, na praciahu
Jon ličyć, što kanstytucyja Ukrainy źmienicca ŭ bok raźvićcia parłamientaryzmu, miascovaha samakiravańnia i ŭdakładnieńnia niekatorych «razmytych» pałažeńniaŭ ciapierašniaj. «Hałoŭnaje — kab kraina była demakratyčnaja, kab na čale jaje stajaŭ narod, jaho pryvilei, kab usio astatniaje pracavała na hetu ideju», — padkreśliŭ pasoł.
