Asudžany vaŭkavyski pradprymalnik Mikałaj Aŭtuchovič moža nie atrymać naležnaha jamu spatkańnia z dačkoj i žonkaj, jakoje płanavałasia ŭ kancy lipienia. Pra heta jon napisaŭ u liście Volzie Mikałajčyk, režysioru filma «Vandroŭka pa biaskoncaj vajnie», pryśviečanaha Aŭtuchoviču, paviedamiŭ pravaabaronca Aleh Vołčak.
«Ja raźličvaŭ, što z Polščy pryjedzie maja dačka, i žonka razam ź joj pryjeduć da mianie na spatkańnie ŭ kancy lipienia. Adnak nie zaŭsiody atrymlivajecca, jak ty płanuješ. Ja jašče dakładna nie viedaju, ale mnie ŭžo raskazali, što spatkańnia z žonkaj u lipieni nie budzie. Tolki praz paŭhoda paśla apošniaha spatkańnia. A da hetaha kazali, što niama nijakich pieraškod. Ja jašče raz źviarnuŭsia z zapytam, ci kančatkovaje heta rašeńnie. Budu čakać adkazu», — napisaŭ Aŭtuchovič u liście.
Jak adznačyŭ Vołčak, padčas apošniaha spatkańnia z maci ŭ jaje admovilisia pryniać praduktovuju pieradaču dla Aŭtuchoviča.Z hetaj pryčyny vaŭkavyski pradprymalnik napisaŭ: «Razumieju, što nie prosta tak admovili maci ŭ pieradačy praduktaŭ, pakolki ŭsio da hetaha spatkańnia było damoŭlena z usimi. Ale hetym razam pieradaču nie zabaroniać, pakolki pa zakonie ja mahu atrymać jaje paśla 25 lipienia. Voś tolki nie ŭbaču žonki i dački».
«Ja liču, što chtości naviersie stvaraje vyprabavańni, choča da čahości padšturchnuć. Durni, kali dumajuć tak na mianie nacisnuć. Ja nikoli nie adrakusia ad svaich žyćciovych pohladaŭ i pryncypaŭ», — piša Aŭtuchovič.
Jak adznačyŭ Vołčak, jamu niezrazumieła, čamu Aŭtuchoviča pazbaŭlajuć sustrečy z žonkaj i dačkoj. «Da hetaha ŭ jaho išło ŭsio dobra, zaŭvah z boku administracyi turmy nie było. Mikałaj navat pisaŭ paru miesiacaŭ tamu žoncy, što jamu źmieniać režym na miakčejšy. Stvarajecca ŭražańnie, što chtości naŭmysna nahniataje stanovišča vakoł palitźniavolenych pierad amnistyjaj. Aŭtuchovič jak vieteran bajavych dziejańniaŭ u Afhanistanie, jaki maje ŭradavyja ŭznaharody, prablemy sa zdaroŭjem, pavinien patrapić pad amnistyju. Moža być, tamu vakoł jaho stvarajuć niervovaść, kab spravakavać na niejkija dziejańni», — ličyć Vołčak.
***
U mai 2010 hoda Aŭtuchovič rašeńniem Viarchoŭnaha suda byŭ pryhavorany da piaci hadoŭ i dvuch miesiacaŭ pazbaŭleńnia voli z adbyvańniem pakarańnia ŭ kałonii strohaha režymu za pieravozku i zachoŭvańnie piaci patronaŭ da palaŭničaj vintoŭki. 17 studzienia ŭ ivacevickaj kałonii № 5 adbyŭsia sud nad pradprymalnikam u suviazi z parušeńniem im režymu ŭtrymańnia. Sud pryznaŭ jaho vinavatym u złosnym parušeńni režymu. Ciapier Aŭtuchovič znachodzicca ŭ turmie № 1 Hrodna ŭ dvuchmiesnaj kamiery.
Pravaabaroncy ličać Aŭtuchoviča palitźniavolenym, ukazvajučy na surjoznyja pracesualnyja parušeńni, zafiksavanyja padčas suda.
