Niezaležnaja prahrama abmienu "Made in Belarus" zaprašaje biełaruskich maładych žurnalistaŭ i fatohrafaŭ da ŭdziełu ŭ supolnym prajekcie z kalehami ź Jeŭropy dy Paŭnočnaj Amieryki.
Prahrama składajecca ź dźviuch častak, jakija projduć u Minsku i Vilni.
5 žurnalistaŭ ź Biełarusi pryjeduć u Vilniu na supolnuju sustreču ź jeŭrapiejskimi dy amierykanskimi kalehami. Dzie ciaham 5 dzion buduć udzielničać u lekcyjach i dyskusijach, šukać suviazi i admietnaści kulturnych centraŭ Vilnia i Minsk. Vynik supolnaj pracy budzie apublikavany ŭ mižnarodnych miedyjach.
5 jeŭrapiejskich žurnalistaŭ naviedajuć Minsk na 5 dzion, kab papracavać na minskaj hlebie razam ź biełaruskimi žurnalistami, jakija naviedali Vilniu pierad hetym. Abiedźvie kamandy buduć pracavać razam ciaham usiaho prajektu. Vynikovyja artykuły, stvoranyja imi, buduć apublikavanyja ŭ niezaležnym jeŭrapiejskim multymoŭnym časopisie Cafebabel.
Chto
Žurnalisty/fatohrafy ź Biełarusi z dobraj anhlijskaj. Uzrostam 18-30. Kožny ŭdzielnik musić u vyniku stvaryć artykuł abo fotarepartaž pa vandroŭcy ŭ Vilniu.
Łahistyka
Viza dy inšyja vydatki ŭ Vilni zabiaśpiečvajuć arhanizatary. Bolej infarmacyi možna atrymać na staroncy Made in Belarus u Facebook.
Jak dałučycca
Dasłać svajo CV z tryma idejami dla artykułaŭ, fotarepartažaŭ abo intervju na mejł [email protected] da 6 lipienia.