Da piaci hadoŭ pazbaŭleńnia voli z adterminoŭkaj vykanańnia prysudu na dva hady sud Zavodskaha rajona Minska pryhavaryŭJon pryznany vinavatym u ažyćciaŭleńni ździełki z kaštoŭnymi kamianiami, praviedzienaj z parušeńniem ustanoŭlenych pravił, u bujnym pamiery — złačynstvie, praduhledžanym častkaj 3 artykuła 223 Kryminalnaha kodeksa.64-hadovaha miascovaha žychara, dyrektara i adnaho z zasnavalnikaŭ staličnaj firmy pa realizacyi juvielirnych vyrabaŭ.
Jak paviedamili ŭ prakuratury Zavodskaha rajona, złačynstva było učyniena 19 vieraśnia 2011 hoda ŭ adnym z numaroŭ haścinicy «Turyst» u Minsku. Abvinavačvany, hramadzianin Biełarusi, uradženiec Horkaŭskaj vobłaści Rasii, pradaŭ za 9 tys. dołaraŭ 822 pryrodnyja apracavanyja ałmazy ahulnaj masaj 10 karat namieśniku dyrektara adnaho ź juvielirnych zavodaŭ — sumiesnaha tavarystva z abmiežavanaj adkaznaściu. Ździełka była ažyćcioŭlena ŭ adpaviednaści z damoŭlenaściu pamiž kiraŭnikami dźviuch kampanij ab nieaficyjnaj pastaŭcy STAA kaštoŭnych kamianioŭ z Rasii pa cenach, nižejšych za rynačnyja.
Ałmazy ad zamiežnaj kampanii ŭ Rasii byli dastaŭleny ŭ Minsk u siaredzinie vieraśnia synam abvinavačvanaha, jaki, jak vynikaje z materyjałaŭ spravy, ničoha nie viedaŭ pra zapłanavanuju baćkam niezakonnuju ździełku.
U materyjałach spravy fihuravaŭ namier abvinavačvanaha pradać juvielirnamu zavodu 5.700 ałmazaŭ ahulnaj masaj 51,5 karata na sumu 50 tys. dołaraŭ, adnak heta akaličnaść u sudzie nie znajšła svajho paćviardžeńnia.
Dachod, atrymany złačynnym šlacham, abvinavačvany ŭ poŭnym abjomie vypłaciŭ dziaržavie.
Pryhavor suda Zavodskaha rajona Minska byŭ abvieščany 19 červienia, nie byŭ abskardžany i nabyŭ moc.
