Ranicaj 10 lipienia ŭ Ministerstvie sportu i turyzmu adbyłasia ŭračystaja cyrymonija pravodzinaŭ biełaruskaj kamandy na Alimpijskija hulni, jakija projduć z 27 lipienia pa 12 žniŭnia ŭ Łondanie (Anhlija).U cyrymonii ŭziali ŭdzieł kiraŭniki spartyŭnaj haliny, a taksama zasłužanyja alimpijcy krainy.
«My padyšli da piku, da jakoha išli čatyry hady. Žadaju, kab u apošnija dni pierad Alimpijadaj vy, kryj boža, nie atrymali traŭmy, a na Hulniach sabralisia i pakazali svoj najlepšy vynik. Za vami budzie sačyć usia kraina», — davaŭ nakaz atletam ministr sportu Aleh Kačan.
Kapitanam biełaruskaj kamandy na ciapierašniaj Alimpijadzie budzie dvuchrazovaja alimpijskaja čempijonka, šmatrazovaja čempijonka śvietu pa akademičnym viesłavańni, zasłužany majstar sportu40-hadovaja Kaciaryna Karsten, dla jakoj hetyja Hulni stanuć užo šostymi ŭ karjery. Ściahanoscam u biełaruskaj delehacyi abrany35-hadovy tenisist, pieršy numar suśvietnaha parnaha rejtynhu Maksim Mirny.
«Źbiarycie ŭsiu siłu, volu, charaktar u adzin kułačok, kab u Łondanie vy ažyćciavili vašy nadziei i mary. Alimpijada adroźnivajecca ad usich inšych startaŭ, jana nie paraŭnalnaja ni z čym. Prahanicie ŭsie lišnija dumki i pakažycie svaje lepšyja vyniki!» — pažadała alimpijskaja čempijonka 1972 hoda pa spartyŭnaj himnastycy Antanina Košal.
Usiaho ad Biełarusi na Alimpijadu adpraŭlajucca 166 spartsmienaŭ, jakija pradstaŭlajuć 25 vidaŭ sportu. Nahadajem, pierad biełaruskaj zbornaj staić zadača zavajovy 25 miedaloŭ.
