Niaviesta palitviaźnia Źmitra Daškieviča Nasta Pałažanka siońnia naviedała kałoniju ŭ Hłybokim, dzie chłopiec adbyvaje źniavoleńnie. Tam Nasta daznałasia, što čatyry dni tamu, 6 lipienia, administracyja kałonii padała dakumienty ŭ Śledčy kamitet na zaviadzieńnie novaj kryminalnaj spravy suprać Daškieviča za «nievykanańnie režymu kałonii».
Sam Źmicier Daškievič adreahavaŭ na heta listom na apieradžeńnie na imia načalnika kałonii, jaki jon sarkastyčna nazvaŭ «jaŭkaj z pavinnaj».
«Ja, Daškievič D.V., pryznaju siabie vinavatym u tym, što śviadoma admaŭlajusia vykonvać niekatoryja patrabavańni administracyi kałonii, jakija liču niezakonnymi.Kab spraścić pracu pravakataram, ahientam i śledčamu kamitetu, ja admaŭlajusia vykonvać lubyja patrabavańni administracyi luboj kałonii, u jakoj ja budu znachodzicca.
Raju biełaruskim śpiecsłužbam asudzić mianie na maksimalny termin, praduhledžany art. 411 KK RB, pry hetym rychtujučy na mianie novyja kryminalnyja spravy ŭ kožnaj novaj kałonii.
Źmicier Daškievič
Pavodle hetaha artykułu Daškieviču moža praduhledžvać da 1 hodu źniavoleńnia. Lidar «maładafrontaŭcaŭ» Źmicier Daškievič byŭ aryštavany 18 śniežnia 2010, za dzień da prezidnckich vybaraŭ, nibyta za bojku. Razam ź im na sudzie paŭstaŭ paplečnik Eduard Łobaŭ. U vyniku Daškievič atrymaŭ dva hady źniavoleńnia, Łobaŭ — 4.
Za kratami ad Daškieviča nieadnarazova patrabavałasia, kab jon napisaŭ prašeńnie ab pamiłavańni, ale viazień admaŭlaŭsia. Na volu Źmicier pavinien vyjści 19 śniežnia, kali nie budzie zaviedzienaja novaja sprava.
