Pryrost pradukcyjnaści pracy źjaŭlajecca asnovaj dla jakasnaha palapšeńnia ekanamičnaha stanu krainy i realnym fundamientam dla pavyšeńnia dabrabytu ludziej. Ab hetym zajaviŭ Alaksandr Łukašenka na cyrymonii ŭručeńnia dziaržaŭnych uznaharod zasłužanym ludziam krainy.
Źviartajučysia da ŭdzielnikaŭ cyrymonii, Łukašenka padkreśliŭ, što dasiahnieńni kožnaha ź ich prymnažaje materyjalnaje i kulturnaje bahaćcie Ajčyny. Słovy padziaki Alaksandr Łukašenka adrasavaŭ pradstaŭnikam pramysłovaj haliny, jakaja sioleta pakazvaje dobryja tempy pryrostu vytvorčaści — bolš za 7% u paraŭnańni ź minułym hodam. «I samaje hałoŭnaje — pryrost pradukcyjnaści pracy skłaŭ bolš za 10%. A heta asnova dla jakasnaha palapšeńnia ekanamičnaha stanovišča krainy i realny fundamient dla pavyšeńnia dabrabytu ludziej. Kali raście pradukcyjnaść pracy, vyrastuć i dachody nasielnictva, — skazaŭ Prezident. — Važna adznačyć, što ŭ avanhardzie hetych stanoŭčych tendencyj znachodziacca pracoŭnyja kalektyvy pradpryjemstvaŭ mašynabudaŭničaj haliny».
U pryvatnaści, Łukašenka pavinšavaŭ rabotnikaŭ AAT «Amkador» z prysudžeńniem im uznaharod za ŭkład u raźvićcio ajčynnaha mašynabudavańnia. «Hetym pradpryjemstvam paśpiachova vykonvajucca asnoŭnyja pakazčyki