U vydaviectvie Glagoslav Publications (Łondan) vyjšła kniha Alesia Adamoviča «Chatynskaja apovieść». Heta pieršaja kniha biełaruskaha aŭtara, vypuščanaja vydaviectvam, što śpiecyjalizujecca na vydańni słavianskaj litaratury.
Dyrektar vydaviectva Maksim Chodak adznačaje, što nie čakaŭ takoj cikavaści da knihi. Naprykład, na sajcie vydaviectva, dzie arhanizavali rozyhryš niekalkich asobnikaŭ, za paru hadzinaŭ zapisałasia 659 achvotnych pračytać jaje!
«U Jeŭropie, vialikaja cikavaść da historyi Druhoj suśvietnaj vajny. Ale, na žal, ludzi mała viedajuć pra jaje, a mnohija ŭvohule ličać, što tuju vajnu vyjhrała Amieryka.Jość vialikaja cikavaść i da Biełarusi, ale, na žal, i pra vašu krainu i biełaruskuju litaraturu viedajuć mała. Naša vydaviectva maje namier i nadalej vydavać knihi najlepšych biełaruskich aŭtaraŭ, jak sučasnych, tak i tych, kaho ŭžo možna zaličyć da kłasikaŭ».
Kniha u anhlijskam varyjancie maje nazvu Khatyn.Čytačy ź Biełarusi, jakija zachočuć nabyć knihu, mohuć zrabić heta praz sajt amazon.com. Tamsama varta pakidać čytackija recenzii: jany dapamohuć anhłamoŭnym čytačam.
0
0
0
0
0
0
