U Minsku adkryvajetsia novaja słužba taksi, jakaja budzie nazyvacca «Kryštal». Jana stvarajecca na bazie taksi 184 — u abiedźviuch słužbaŭ adnolkavy jurydyčny adras i padobnyja taryfy.
«Kryštal» budzie vazić pasažyraŭ pa 2800 rubloŭ za kiłamietr.Prastoj kaštuje 50 tysiač rubloŭ za hadzinu, a košt pasadki składaje jašče 14 400 rubloŭ.
Źviartaje na siabie ŭvahu padabienstva nazvy słužby na nazvu adnaho z raskručanych biełaruskich brendaŭ taksi — «Ałmaz». Minčukam jon zapomniŭsia pa słohanu «Siem, siem, vosiem, vosiem, pazvani, i my padbrosim». Mała taho, što «Kryštal» i «Ałmaz» — słovy z adnaho asacyjatyŭnaha šerahu, dyk u navička rynka budzie numar 7778, jaki adroźnivajecca ad «ałmazaŭskaha» ŭsiaho na adnu ličbu.
0
0
0
0
0
0
