Liŭni i navalnicy mohuć nieści surjoznuju niebiaśpieku dla čałavieka. Pavodle infarmacyi Hidramieteacentra, hetaj nočču na bolšaj častcy terytoryi Biełarusi čakajucca mocnyja liŭni i navalnicy. U suviazi z hetym MNS nahadvaje ab praviłach biaśpiečnych pavodzin.
U pryvatnaści, u MNS zaklikajuć da navalnicy nie adnosicca abyjakava i nie być zanadta samaŭpeŭnienymi pierad stychijaj.Zaŭsiody zastajucca aktualnymi rekamiendacyi začyniać vokny, nie karystacca elektrapryborami, na vulicy nie šukać prytułku pad drevami abo linijami elektrapieradačy. U čas navalnicy kateharyčna zabaroniena kupacca i lepš adyści dalej ad vadajoma. Aŭtamabilistam nie treba zapraŭlać mašynu ŭ čas navalnicy, a niepahodu lepš pieračakać u sałonie.
Niebiaśpieku moža nieści navat livień.Pry intensiŭnaści daždžu 1,5–2 mm u minutu čałavieku, navat jaki znachodzicca pad dacham, stanovicca ciažka dychać. Da taho ž prybyvajučaja vada nie paśpiavaje pranikać u ziamlu. Źnižajecca bačnaść, uskładniajecca ruch transpartu — jon moža prosta spynicca. Akramia taho, stychija moža paškodzić apory elektrapieradač i vyvieści sa stroju elektrapadstancyi.
Vielmi niebiaśpiečna pry mocnym liŭni spuskacca ŭ padvały i zahłyblenyja pamiaškańni. Jany mohuć być za ličanyja minuty zatopleny vadoj. Niebiaśpiečna spuskacca ŭ padziemnyja pierachody. Nie varta sprabavać schavacca pablizu jaroŭ — takoje nadvorje časta pryvodzić da apoŭźniaŭ.
0
0
0
0
0
0
