Biełaruś u metach vykanańnia svaich abaviazacielstvaŭ pa kredytu stend-baj Mižnarodnaha valutnaha fondu (MVF) 13 lipienia 2012 hoda ažyćciaviła druhoje pahašeńnie asnoŭnaha doŭhu ŭ pamiery 64,7 młn. SDR, što ekvivalentna $ 97,4 młn., paviedamili ŭ Ministerstvie finansaŭ.

U kancy 2008 hoda biełaruskija ŭłady źviarnulisia da kiraŭnictva Mižnarodnaha valutnaha fondu z prośbaj ab zaklučeńni kredytnaha pahadnieńnia stend-baj. U vyniku ŭzhadnieńnia Biełaruśsiu i MVF paramietraŭ nazvanaha pahadnieńnia Saviet vykanaŭčych dyrektaraŭ fondu 12 studzienia 2009 hoda adobryŭ prahramu terminam na 15 miesiacaŭ i vydzialeńnie Biełarusi finansavych resursaŭ u abjomie kala $2,46 młrd. Pa vynikach pieršaha ahladu byli skarekciravany i adobrany abodvuma bakami novyja paramietry prahramy i ŭ adpaviednaści z zapytam biełaruskaha boku pavialičany ahulny abjom finansavańnia da $3,46 młrd. Realizacyja prahramy zaviaršyłasia ŭ krasaviku 2010 hoda, što dało mahčymaść zabiaśpiečyć dadatnuju dynamiku pa šerahu pazicyj u ekanomicy i hrašova-kredytnaj śfiery Biełarusi.

Dziejnaść MVF u Biełarusi nakiravana na supracoŭnictva z uradam i Nacyjanalnym bankam pry padrychtoŭcy prahram ekanamičnaj palityki z akcentam na padatkova-biudžetnuju i hrašova-kredytnuju palityku, abmienny kurs i handlovuju palityku z metaj dasiahnieńnia značnaha ekanamičnaha rostu, nizkaj inflacyi i ŭstojlivaści płaciežnaha bałansu.

Z 1992 pa 2008 hod Biełaruś dvojčy vykarystoŭvała finansavyja resursy MVF: pa linii fondu sistemnych transfarmacyj — $217,2 młn. i pa miechanizmu stend-baj — $77,4 młn. U lutym 2005 hoda Biełaruś całkam pahasiła nazvanyja kredyty MVF.

Pastanovaj Savieta Ministraŭ ad 4 lipienia 2011 hoda numar 900 pavialičana kvota Respubliki Biełaruś u Mižnarodnym valutnym fondzie. Urad daŭ zhodu na pavieličeńnie kvoty Biełarusi ŭ MVF da 681,5 młn. śpiecyjalnych pravoŭ pazyki (SDR) u adpaviednaści z čatyrnaccatym ahulnym pierahladam kvot, adobranym Savietam kiraŭnikoŭ hetaha fondu 15 śniežni 2010 hoda.

Mižnarodny valutny fond — śpiecyjalizavanaja ŭstanova AAN sa štab-kvateraj u Vašynhtonie, ZŠA. Aficyjnaja data stvareńnia MVF — 27 śniežnia 1945 hoda. Biełaruś źjaŭlajecca členam MVF z 1992 hoda. U 1992 hodzie ŭ Minsku adkryta pradstaŭnictva MVF.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?