U Rasii ŚMI, što finansujucca z-za miažy, mohuć pryznać «zamiežnymi ahientami» 2
Deputaty «Adzinaj Rasii» płanujuć uklučyć srodki masavaj infarmacyi, što finansujucca z-za miažy, u rejestr «asabliva praviaranych» arhanizacyj,
pišuć «Iźviestija».
Pra heta vydańniu raskazali dvoje parłamientaryjaŭ-adzinarosaŭ — Uładzimir Burmataŭ i Illa Kastunoŭ. Jak śćviardžajuć zakanadaŭcy, mnohija ŚMI, jakija «finansujucca z-za miažy, umiešvajucca ŭ palityku i vykonvajuć funkcyi rupara zamiežnaj prapahandy».
Kastunoŭ śćviardžaje, što vosieńskaja siesija pasiedžańniaŭ Dziarždumy pačniecca z abmierkavańnia pytańnia pra vykarystańnie normaŭ «zamiežnaha ahienta» dla srodkaŭ masavaj infarmacyi.
«Jość prykłady finansava-aŭdytarskaj spravazdačnaści adkrytych akcyjaniernych tavarystvaŭ, možna pajści hetym šlacham. ŚMI nazyvajuć siabie čaćviortaj uładaj, niekamiercyjnyja arhanizacyi siabie tak nie nazyvajuć, tamu hramadstva maje prava viedać, chto finansuje asobnych pradstaŭnikoŭ hetaj čaćviortaj ułady i jaki ich suvierenitet, — ličyć deputat. — Ja dumaju, historyja z „zamiežnymi ahientami“ jašče nie skončanaja. Mnohija ŚMI atrymlivajuć finansavuju dapamohu z-za miažy i ŭjaŭlajuć saboj rupar zamiežnaj dziaržavy. I ŭ toj ža čas jany robiać vyhlad, što sami zarablajuć hrošy. Dla zakona ab ŚMI treba asobna prapisać paniaćcie „zamiežnych ahientaŭ“, tolki bolš staranna pradumany, čym zakon ab niekamiercyjnych arhanizacyjach».
Burmataŭ, u svaju čarhu, nie choča abahulniać usie ŚMI, što finansujucca zamiežnikami.
«Kali jany atrymlivajuć dapamohu ŭ pamiery 10% ad svajho biudžetu, nieabaviazkova zapisvać ich u zamiežnyja ahienty. Ale kali hetaja dapamoha pieravyšaje 50%, heta značyć, što zamiežnyja miecenaty ŭžo faktyčna buduć kantralavać redakcyjnuju palityku vydańnia».
Pryniataja raniej Dziarždumaj Rasii novaja redakcyja zakona ab niekamiercyjnych arhanizacyjach vyklikała šyrokich pratest pravaabarončych i inšych hramadskich arhanizacyj.
