Zhodna z papiarednim prahnozam, haračaha nadvorja (plus 30°S i vyšej) u Biełarusi nie budzie da kanca lipienia. Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ padčas videabryfinhu 16 lipienia na
Pavodle słoŭ Rabava, u pracoŭnuju častku tydnia prahnazujecca niaŭstojlivaje chaładnavataje nadvorje s siaredniasutačnaj tempieraturaj pavietra na 1–3°S nižejšaj za klimatyčnuju normu. Nadvorje vyznačać šerah cykłonaŭ, jakija buduć ruchacca cieraz Skandynaviju, i ŭ Biełaruś budzie pastupać vilhotnaje chaładnavataje pavietra akijaničnaha pachodžańnia, jakoje pryniasie na bolšuju častku terytoryi karotkačasovyja daždžy z navalnicami.
Jak paviedamiŭ Rabaŭ, u aŭtorak nočču čakajecca plus 7–14°S, dniom plus 17–24°S.
U sieradu nočču plus 8–14°S, dniom 15–22°S. U čaćvier nočču taksama 8–14°S, dniom 17–24°S, pa Bresckaj vobłaści miescami da 26°S.
U piatnicu tempieratura pavietra nočču składzie plus 10–17°S, dniom 18–24°S, pa Homielskaj vobłaści 25–27°S.
Pavodle słoŭ sinoptyka, u vychadnyja dni nadvorje pačnie naładžvacca. Pavietranyja patoki paviernuć na paŭdniovy zachad, i ŭ Biełaruś pačnie pastupać bolš ciopłaje pavietra. Pry hetym vialikaj haračyni čakać nie varta, nadvorje budzie niaŭstojlivaje, ź nievialikimi karotkačasovymi daždžami.
Tempieratura pavietra dniom składzie 17–24°S, pa paŭdniovym uschodzie 25–27°S.
