Žychar vioski Markavičy Homielskaha rajona 1937 hoda naradžeńnia adpraviŭsia ŭ hryby, nie papiaredziŭšy rodnych i blizkich, dy zabłukaŭ. Čaćviora sutak pažyły mužčyna pravioŭ u lesie, siłkujučysia hrybami dy jahadami.
Dziakujučy ŭzajemadziejańniu z pravaachoŭnikami z Ukrainy źnikłaha ŭdałosia znajści na terytoryi laśnictva la vioski Repki Čarnihaŭskaj vobłaści. Z abiazvodžvańniem i ŭ šokavym stanie piensijaniera dastavili ŭ miascovuju balnicu, a paśla pieradali homielskim miedykam. Zaraz zdaroŭju mužčyny ničoha nie pahražaje.
Va UUS Homielskaha abłvykankama dadali, što z nadychodam jahadna-hrybnaha siezonu prablema źniknieńnia ludziej u lasach abvastrajecca.Mnohich padvodzić upeŭnienaść u tym, što svoj lasnoj kvartał jany viedajuć ź dziacinstva. Adnak, jak pakazvaje praktyka, zabłukać mohuć navat samyja daśviedčanyja hrybniki i jahadniki.
