Vybarčaja kamisija zarehistravała inicyjatyŭnuju hrupu Alaksieja Janukieviča. Lidar Partyi BNF idzie pa Aŭtazavodskaj akruzie № 92 u Minsku.
Ad Partyi BNF dakumienty na rehistracyju inicyjatyŭnych hrup padali 12 patencyjnych kandydataŭ u deputaty. 9 inicyjatyŭnych hrup užo zarehistravanyja, ź ich čatyry hrupy — staršyni Hrodzienskaj abłasnoj arhanizacyi Partyi BNF Vadzima Sarančukova. Jon ličyć, što takaja kolkaść zarehistravanych inicyjatyŭnych hrup nieabchodna dla praviadzieńnia pikietaŭ pa ŭsim horadzie.
Nahadajem, sojm Partyi BNF u červieni rekamiendavaŭ siabram partyi rehistravać inicyjatyŭnyja hrupy, stavić pikiety, źbirać podpisy, ale nie zdavać ich u vybarčyja kamisii.Partyja maje namier vyłučać svaich kandydataŭ partyjnym sposabam na pieršaj siesii źjezda, jakaja pavinna prajści 4 žniŭnia. Na druhoj siesii źjezdu 15 vieraśnia partyja budzie abmiarkoŭvać pytańnie mahčymaha źniaćcia z vybaraŭ svaich kandydataŭ.
Jašče ŭ studzieni Partyja BNF vyłučyła dźvie ŭmovy svajho ŭdziełu ŭ vybarach da kanca: vyzvaleńnie ŭsich palitviaźniaŭ i ŭklučeńnie ŭsich svaich pradstaŭnikoŭ u składy vybarčych kamisij.
0
0
0
0
0
0
