Biełarusy, jakija žyvuć u Łondanie, sustreli Alimpijski ahoń nacyjanalnymi bieł-čyrvona-biełymi ściahami.
Adzin ź ich byŭ zaŭvažany siarod ściahoŭ, jakija sustrakali Alimpijski ahoń u Barnecie, adnym z samych «biełaruskich» rajonaŭ Łondana.
Mienavita tut raźmiaščajecca Biełaruski relihijny i kulturny centr imia Kiryły Turaŭskaha, jaki ŭklučaje ŭ siabie Biełaruskuju biblijateku i muziej imia Francyska Skaryny i kaplicu Śviatych apostałaŭ Piatra i Paŭła.
Da aficyjnaha adkryćcia XXX Alimpijskich hulniaŭ u Łondanie zastajucca ličanyja dni. Alimpijski ahoń, zapaleny ŭ Alimpii, užo niekalki dzion padarožničaje pa stalicy Anhlii.
Pa ŭsim šlachu spartoŭcaŭ z alimppijskaj pachodniaj vitajuć tysiačy žycharoŭ i haściej adnaho z samych pryhožych haradoŭ Staroha śvietu.
Zaŭtra adzin ź simvałaŭ Alimpijskich hulniaŭ budzie padarožničać pa paŭnočna-zachodniaj častcy stalicy letniaj Alimpijady, što jašče na niekalki dziasiatkaŭ kiłamietraŭ nablizić jaho da kančatkovaj mety - Alimpijskaha stadyjona ŭ rajonie Stratfard na ŭschodzie horada.
0
0
0
0
0
0