Maci pakaranaha za saŭdzieł u teraryźmie Uładzisłava Kavalova maje namier dabivacca ad staršyni KDB Vadzima Zajcava piśmovaha adkazu na patrabavańnie viarnuć joj zapisy syna.
Jak paviedamiła Luboŭ Kavalova, jaje paŭtorny zvarot da Zajcava byŭ atrymany ŭ KDB 16 lipienia, pra što joj paviedamili, adnak adkazu pakul nie było.
Heta druhaja sproba žančyny vyśvietlić los zapisaŭ syna i atrymać ich.Pieršaja nie mieła pośpiechu. Na jaje zvarot da staršyni KDB nichto aficyjna nie adkazaŭ. Tolki byŭ zvanok nibyta ź SIZA i žanočy hołas paviedamiŭ, što nijakich zapisaŭ tam niama. Nahadajem, pra heta ž 28 maja zajaviŭ načalnik centra infarmacyi i hramadskich suviaziaŭ Kamiteta dziaržbiaśpieki Alaksandr Antanovič.
Nahadajem, paśla vykanańnia śmiarotnaha prysudu Kavalova atrymała pa pošcie ź SIZA KDB pakiet z asabistymi rečami syna.Adnak žoŭtaja papka, ź jakoj Uładzisłaŭ chadziŭ na pasiadžeńni suda, była pustoj. «Z hetaj papkaj jon byŭ na sudzie, tam znachodzilisia zapisy, zroblenyja im padčas suda i paśla, kali jany z advakatam znajomilisia z sudovaj spravaj dla napisańnia kasacyjnaj skarhi. Uład vielmi prasiŭ, kab hetyja zapisy zachavali», — zajaviła Kavalova niekalki miesiacaŭ tamu.
Jana miarkuje, što ŭ zapisach syna mahli zhadvacca niejkija parušeńni va ŭtrymańni ŭ SIZA, i tamu ich zabrali.«Ale ja nie atrymała nijakich dakumientaŭ pra toje, naprykład, što zapisy syna byli źniščanyja ŭ zakonnym paradku», — skazała maci pakaranaha śmierciu.
0
0
0
0
0
0
