Arhanizatary «plušavaha desantu» nie płanavali zvalniać biełaruskich hienierałaŭ 4

Arhanizatary «plušavaha desantu», pradstaŭniki šviedskaj pijar-kampanii Studio Total, nie čakali takich surjoznych nastupstvaŭ ad praviedzienaj akcyi. Tak prakamientavaŭ BiełaPAN učarašnija adstaŭki vysokapastaŭlenych biełaruskich čynoŭnikaŭ Tomas Mazeci, jaki piłatavaŭ lohkamatorny samalot, što parušyŭ dziaržmiažu Biełarusi.

«My, pryznacca, nie čakali, što naša akcyja budzie mieć takija surjoznyja nastupstvy.

Viedajecie, my zrabili heta tamu, što lubim ludziej Biełarusi. U vas šmat dobrych, śmiełych žurnalistaŭ, i my prosta chacieli pakazać im našu padtrymku. My ni ŭ jakim vypadku nie stavili za metu padstavić kahości pad zvalnieńnie, vymovy. Sens našaj akcyi byŭ u tym, kab pakazać: biełaruski narod padtrymlivajuć u śviecie», — skazaŭ Mazeci.

Na jaho dumku, zvolnienyja načalniki «vinavatyja nie bolš, čym sam Łukašenka». «Ale prezident Biełarusi sprabuje znajści kahości, na kaho možna zvalić vinu», — dadaŭ švied.

Mazeci jašče raz padkreśliŭ, što ŭsiu nieabchodnuju infarmacyju pra biełaruskuju sistemu SPA ŭdzielniki «plušavaha desantu» bieź ciažkaściaŭ znajšli ŭ internecie. «Usio, što nam było patrebna, my adšukali ŭ Sietcy. U biełaruskaj SPA było zusim niaciažka razabracca, pakolki heta vielmi staraja, nie nadta dobraja sistema. Nam było nieskładana jaje abyści», — zajaviŭ supracoŭnik Studio Total.

Jon taksama paviedamiŭ, što arhanizatary akcyi sprabavali vyjści na kantakt ź biełaruskimi aficyjnymi asobami, kab infarmavać ich pra svaje dziejańni.

«Ale jany čamuści nie chočuć z nami razmaŭlać. Ja nie viedaju, čamu», — skazaŭ Tomas Mazeci.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH