Uračystaj cyrymonii zakładki kapsuły ŭ padmurak pieršaj biełaruskaj atamnaj elektrastancyi 3 žniŭnia nie adbudziecca, paviedamili BiełaPAN u Astravieckim rajvykankamie.
Pra toje, što cyrymonija zakładki kapsuły z «pasłańniem naščadkam» zapłanavana na 3 žniŭnia, paviedamili 30 lipienia dziaržaŭnaje ahienctva BiełTA i RIA Novosti. Paviedamlałasia, što ŭdzieł u joj voźmuć pradstaŭniki biełaruskaha ŭrada, dziaržustanovy «Dyrekcyja budaŭnictva atamnaj elektrastancyi», Astravieckaha rajvykankama, rasijskaj dziaržkarparacyi «Rasatam» i abjadnanaj kampanii AAT «NIAEP» — ZAT «ASE».
Čakałasia taksama, što ŭ mierapryjemstvie voźmie ŭdzieł Alaksandr Łukašenka.
Pryčyny pieranosu cyrymonii nieviadomyja — čynoŭniki ad kamientaryjaŭ admaŭlajucca.
Napiaredadni anansavanaj padziei ekołahi, jakija vystupajuć suprać biełaruskaj AES, prapanavali jaje budaŭnikam i zakazčykam svaju viersiju «pasłańnia naščadkam».
«My pačali hetu budoŭlu, jasna razumiejučy, što ŭ nas niama ni srodkaŭ, ni technałohij dla ŭtylizacyi Astarvieckaj atamnaj elektrastancyi, zachoŭvańnia i izalacyi ad navakolnaha asiarodździa na praciahu 240 tys. hadoŭ jaje adpracavaŭšaha jadziernaha paliva, — skazana ŭ alternatyŭnym pasłańni. — My razumieli, što vam addavać dziesiacimiljardny kredyt, jaki my ŭziali dla budaŭnictva hetaj elektrastancyi. Kožny hramadzianin Biełarusi — naš sučaśnik užo byŭ vinien 1.000 dołaraŭ ZŠA Rasii za hetu AES. My viedali taksama i pra toje, što vam spatrebicca kuča srodkaŭ na lačeńnie chvorych, jakich budzie bolš dziakujučy hetaj AES».
«Zakładka kapsuły — heta simvaličny žest, ale budaŭnictva biełaruskaj AES užo zaraz ujaŭlaje saboj zakładku miny zapavolenaha dziejańnia dla ciapierašniaha i budučych pakaleńniaŭ žycharoŭ. My miarkujem, što budaŭniki AES, a heta i biełaruskaja dziaržava, i rasijskaja karparacyja „Rasatam“, pavinny pakajacca pierad budučymi pakaleńniami i zatym admovicca ad svaich niebiaśpiečnych płanaŭ», — prakamientavała alternatyŭnaje pasłańnie naščadkam adkazny sakratar Hramadskaj ekałahičnaj ekśpiertyzy prajekta biełaruskaj AES Taćciana Novikava.
Hienieralny kantrakt na budaŭnictva biełaruskaj AES byŭ padpisany ŭ Minsku 18 lipienia hetaha hoda pa vynikach pasiadžeńnia Savieta ministraŭ Sajuznaj dziaržavy ŭ prysutnaści prem'jer-ministraŭ dźviuch krain Michaiła Miaśnikoviča i Dźmitryja Miadźviedzieva.
AES budzie pabudavanaja ŭ Astravieckim rajonie Hrodzienskaj vobłaści, niedaloka ad miažy ź Litvoj. Dla budaŭnictva vybrany prajekt rasijskaj kampanii «Atamstrojekspart». AES budzie składacca z dvuch enierhabłokaŭ sumarnaj mahutnaściu da 2.400 MVt. Uvod u ekspłuatacyju pieršaha błoka zapłanavany na listapad 2018 hoda, druhoha — na lipień
