U filmie «Žyvie Biełaruś!» Anatol Kot syhraŭ hienierała.
Pavodle vykanaŭcy adnoj z hałoŭnych rolaŭ u mastackim filmie «Žyvie Biełaruś!» Anatola Kata, jamu skasavali kantrakt na zdymki ŭ seryjale z pracoŭnaj nazvaj «Ślady apostałaŭ», jaki raspačynaje dziaržaŭnaja kinastudyja «Biełaruśfilm». Padstava — udzieł u «niadobranadziejnym» prajekcie.
Pieršy mastacki film pra sučasny biełaruski supraciŭ zdymaŭsia ciahamJon nie chavaje, što ŭ stužcy ŭvasoblenyja niekatoryja detali jahonaj bijahrafii. Film źniaty na asnovie realnych padziejaŭ i sabraŭ u sabie historyi i losy mnohich ludziej, jakija prachodziać praz represii ŭ Biełarusi. Biudžet filma — bolš za 2 miljony dalaraŭ, zamoŭca i sponsar — Ministerstva kultury Polščy.listapada-śniežnia 2011 hoda ŭ Polščy. Adzin sa scenarystaŭ — hramadski aktyvist Franak Viačorka.
Jak raskazaŭ vykanaŭca adnoj z rolaŭ aktor Anatol Kot, udzieł u zdymkach kaštavaŭ jamu kantraktu z «Biełaruśfilmam».Adna z redkich kinastužak pra sučasnuju Biełaruś i na biełaruskaj movie stała razdražnialnikam dla dziaržaŭnaha aficyjozu.
«Sapraŭdy, byŭ užo raskład, hrafik, kali raspačynajucca zdymki. I ŭvohule byli damoŭlenyja asnoŭnyja momanty, uklučna z terminami, zastałosia tolki padpisać damovu. Ale ž
zatelefanavali z kinastudyi, było tolki adno pytańnie: „Anatol, ty zdymaŭsia ŭ filmie „Žyvie Biełaruś!“?“Ja kažu: tak, a što, niejkija prablemy? Tam skazali, što heta nasamreč prablema, i vielmi vidavočnaja. Na samoj spravie śmiešna, dakładniej — i śmiešna, i kryŭdna, bo heta prosta nievytłumačalna. Ja svaim kaleham tut, u Maskvie, raspaviadaju hetuju historyju, dyk jany spačatku heta ŭsprymajuć jak žart, a potym razumiejuć, što varjactva praciahvajecca.
Mahčyma, na „Biełaruśfilmie“ ŭžo sapraŭdy isnuje niejki čorny śpis, nie viedaju, jak heta navat nazvać, ale heta hłupstva takoje, što prosta niama słoŭ.Možna havaryć pra maju hramadzianskuju pazicyju, pra maju hodnaść ci niahodnaść, pra łajalnaść da kahości, ale mnie ŭvohule škada, što maje kalehi, jakija žyvuć u Biełarusi, pakutujuć ad hetaha. Na samoj spravie heta žachliva, bo ludzi zajmajucca svajoj pracaj. A kali ty nie možaš navat ničoha skazać, to dzie my žyviom?
Pra što kazać, kali ludzi plaskajuć u dałoni, a ich za heta zabiraje milicyja?Možna razvažać pra heta, ale ž bačycie, navat razmaŭlać pra heta ŭžo niebiaśpiečna».
Anatol Kot kaža, što sam jašče nie bačyŭ zmantavanaj viersii filma i vielmi ździŭleny, što na «Biełaruśfilmie» kančatkovy varyjant nie tolki pahladzieli, ale i acanili: «Na samoj spravie ja jašče nie bačyŭ stužki. U Varšavu mianie nichto nie zaprašaŭ, u Kany ja taksama nie jeździŭ. Tamu samomu vielmi cikava było b pahladzieć. Ale, viedajecie,
kali isnuje takaja reakcyja, jakuju my majem na siońniašni dzień, to chočacca vieryć, i ja maju takoje spadziavańnie, što stužka na samoj spravie adbyłasia.Bo kali b nie adbyłasia, to ŭsio było b cicha. Pamiatajecie, u nas byŭ taki prajekt „Tutejšyja“? Nie chaciełasia b nikoha pakryŭdzić, ale heta byŭ, što nazyvajecca, pieršy blin. I, moža, tamu, što jon nie zusim atrymaŭsia, jaho nie zaŭvažyli ni ŭłady, ni ŭvohule hledačy. Nu, a kali ŭ hetym vypadku tak zaŭvažyli, to tolki honar stvaralnikam. Značyć, pabačyli, bo nielha ž tolki pa čutkach zabaraniać ludziej. Pavodle trejlera taksama ŭražańnia nie składzieš, treba hladzieć całkam. Tamu ŭ mianie samoha jość mocnaje žadańnie pahladzieć.
I chočacca tolki pažadać, kab ludzi i dalej, nakolki heta mahčyma, praciahvali vieryć i ŭ siabie, i ŭ lepšyja časy i dla krainy, i dla siabie.Najpierš dla siabie, bo kali budzie dobra sabie i kali ty maješ hodnaść, to i krainie budzie dobra».
Na kinastudyi «Biełaruśfilm» nie kamientujuć najaŭnaść tak zvanaha «čornaha śpisu» zabaronienych aktoraŭ, nazyvajučy heta «prydumkaj».
