Miaśnikovič budzie zmahacca ź fiktyŭnym pracaŭładkavańniem 4

Miery pa baraćbie ź fiktyŭnym pracaŭładkavańniem buduć pryniaty ŭ Biełarusi. Ab hetym zajaviŭ siońnia prem'jer-ministr Michaił Miaśnikovič na pasiadžeńni Savieta Ministraŭ.

Prem'jer-ministr adznačyŭ, što ŭ šerahu arhanizacyj Biełarusi lažać pracoŭnyja knižki tak zvanych «padśniežnikaŭ». «Pracoŭnaja knižka lažyć, a jon u hetaj arhanizacyi nie pakazvajecca. Kab spynić takija fakty, u trecim kvartale biahučaha hoda ŭrad u abaviazkovym paradku pavinien pryniać adpaviednaje rašeńnie ŭ adnosinach da hetych niepracujučych ludziej», — skazaŭ Michaił Miaśnikovič.

«My raźbiaremsia z tymi arhanizacyjami, i dziaržaŭnymi, i niedziaržaŭnymi, dzie lažać čyjeści pracoŭnyja knižki, a ich uładalniki zaniaty inšymi spravami», — zajaviŭ premjer.

Siońnia kala 400 tys. čałaviek u Biełarusi ŭ pracazdolnym uzroście nie ličacca ŭ jakaści pracujučych abo navučencaŭ, i heta z ulikam taho, što ŭ ekanomicy zaniata 4,5 młn. čałaviek. «Mnohija z hetych tak zvanych niepracujučych, viadoma, pracujuć, ale padachodny padatak nie płaciać, adličeńni ŭ piensijny fond nie robiać, a ŭsimi sacyjalnymi vyhodami — miedycynaj i h.d. — karystajucca, jak i ŭsie.

Na piensiju raźličvajuć, — skazaŭ prem'jer-ministr. — Za košt kaho? Za košt tych, chto pracuje kala stanka, u poli, pracuje ŭ škole, balnicy».

Darmajedstva i ŭtrymanstva nieabchodna spynić, a takich ludziej — pryciahnuć da farmiravańnia piensijnaha fondu, vypłaty padachodnaha padatku, reziumavaŭ Michaił Miaśnikovič.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH