Ab hetym zajaviŭ namieśnikpres-sakratara MZS Francyi Viensan Fłareani 9 žniŭnia napres-kanfierencyi ŭ Paryžy.
«Francyja raździalaje niespakoj (kiraŭnika dypłamatyi Jeŭrasajuza) Ketryn Eštan adnosna admovy Minska praciahnuć akredytacyju pasła Šviecyi ŭ Biełarusi. My salidarnyja sa šviedskimi ŭładami i zaklikajem Biełaruś adnavić narmalnyja dypłamatyčnyja adnosiny sa Šviecyjaj», — cytuje Fłareani RIA Novosti.
Jon adznačyŭ, što krainy ES, i ŭ tym liku Francyja, abmiarkujućbiełaruska-šviedskija adnosiny 10 žniŭnia na pasiadžeńni Kamiteta pa palitycy i biaśpiecy ES.
Nahadajem, na minułym tydni Minsk ekstranna pakinuŭ pasoł Šviecyi Stefan Eryksan, jakomu ŭłady Biełarusi admovili ŭ praciahu akredytacyi. Dypłamata abvinavacili ŭ destruktyŭnaj dziejnaści.
8 žniŭnia MZS Biełarusi vystupiła z zajavaj, u jakoj abjaviła, što supracoŭniki biełaruskaha pasolstva ŭ Šviecyi ŭ poŭnym składzie adklikanyja z hetaj krainy. U svaju čarhu šviedskamu boku prapanavana pryniać anałahičnyja miery i adklikać usich svaich dypłamataŭ ź Minska da 30 žniŭnia.