U internecie źjaviŭsia zdymak, zrobleny ŭ aŭtazaku kala Chamoŭnickaha suda, dzie ŭ piatnicu abviaščali prysud u spravie Pussy Riot. Kasparaŭ, jak i mnohija inšyja ŭdzielniki akcyi ŭ padtrymku pank-hurtu, byŭ zatrymany. Jak paviedamiła Rasijskaja słužba radyjo "Svaboda", jaho abvinavačvajuć u tym, što padčas zatrymańni jon ukusiŭ za ruku palicejskaha.
Kasparaŭ nazvaŭ hetyja abvinavačvańni tryźnieńniem. Pavodle jaho słoŭ, usio było naadvarot -- heta jaho źbili ŭ aŭtazaku.
Usiaho kala suda byli zatrymanyja 97 čałaviek, choć aficyjna palicyja zajaŭlała pra 50. U dačynieńni da 64 čałaviek składzienyja pratakoły ab administracyjnym pravaparušeńni. Bolšaść zatrymanych adpuścili pozna ŭviečary.
Noč u palicyi praviała aktyvistka Taćciana Ramanava -- kab jaje zatrymać, palicyjanty pieraleźli praz płot na terytoryju pasolstva Turcyi, što pa susiedstvie z Chamoŭnicki sudom.
0
0
0
0
0
0