Takoje rašeńnie dniami pryniaŭ Minski harvykankam. Kaliści voziera budavałasia i dobraŭparadkavałasia kamsamolcami. U svoj čas jaho ŭračystaje adkryćcio, zapłanavanaje na 22 červienia 1941 hoda, tak i nie adbyłosia.
Siońnia raspracavana kancepcyja razvićcia zialonaj zony Kamsamolskaha voziera. U bližejšyja try hady tut płanujecca stvaryć sučasnuju bazu adpačynku. Budzie ačyščany sam vadajom, abnoŭleny drevy i kustoŭje. Za abieliskam «Minsk — horad‑hieroj» raźmiescicca turystyčny centr. Nasuprać biznes‑centra, jaki ŭzvodzicca na praśpiekcie Pieramožcaŭ, adkryjecca novy restaran. Abodva budynki buduć źviazany aryhinalnym piešachodnym mostam nad prajeznaj častkaj. Pobač z vozieram raźmiescicca park atrakcyjonaŭ, spartyŭnyja placoŭki, jacht‑kłub, daroha dla konnych prahułak.
Naščadki kamsamolskich tradycyj, členy Biełaruskaha respublikanskaha sajuza moładzi vyrašyli pryniać udzieł u rekanstrukcyi voziera. Srodki, zaroblenyja viasnoj na pracoŭnaj respublikanskaj akcyi «Maładość. Tradycyi. Budučynia», pojduć na praviadzieńnie padziemnych rabot, ustanoŭku znaka kamsamołu Biełarusi, zakładku alei.
Da pačatku asnoŭnych rabot Minski haradski kamitet BRSM vyrašyŭ uziać šefstva nad Kamsamolskim vozieram: 5 krasavika pravioŭ u parku 50‑hodździa Pieramohi, u rajonie abieliska «Minsk — horad‑hieroj» subotnik pa dobraŭparadkavańniu.
