«LiM» i «Źviazda» abjadnajucca ŭ chołdynh da 1 kastryčnika 3

Ab hetym žurnalistu TUT.BY raskazali ŭ «LiMie». Nahadajem, u vyniku abjadnańnia źjavicca vydaviecki dom «Źviazda», jaki, mahčyma, uznačalić inicyjatar i arhanizatar abjadnańnia, hałoŭny redaktar haziety «Źviazda» Aleś Karlukievič.

Płanujecca, što tematykaj novaha vydaviectva budzie kultura.

Pakul asablivych źmien u chołdynhu «Litaratura i mastactva» nie zaŭvažyli. Pieršy namieśnik dyrektara redakcyjna-vydavieckaj ustanovy «LiM» Aleś Badak rasskazaŭ TUT.BY, što, pa sutnaści, jaho ŭstanova dałučajecca da «Źviazdy», tamu ŭsie pytańni treba adrasoŭvać kiraŭnictvu haziety. «Usie vydańni, jakija na siońniašni dzień uvachodziać u redakcyjna-vydavieckuju ustanovu „Litaratura i mastactva“ (hazieta „Litaratura i mastactva“, časopisy „Połymia“, „Maładość“, „Nioman“, „Vožyk“. — TUT.BY) zastajucca. My pakul čakajem, kali buduć padpisany kankretnyja dakumienty», — paviedamiŭ Aleś Badak.

Pakul supracoŭniki vydaviectva nie skaračalisia, tolki atrymali ŭviedamleńnie ab reahranizacyi ŭstanovy: «Usie tvorčyja staŭki zastalisia, navat, biarom novych rabotnikaŭ, kali ŭ štacie nie chapaje. Prymusova nichto nikoha nie zvalniaŭ — heta ja mahu skazać adnaznačna».

Praŭda, jak stała viadoma, z 1 žniŭnia pracy pazbaviŭsia zahadčyk adździeła prozy piśmieńnik Andrej Fiedarenka, jaki, darečy, zaniaŭ siomaje miesca ŭ rejtynhu samych paśpiachovych piśmieńnikaŭ Biełarusi partała TUT.BY.

Jak prakamientavała kiraŭnictva «Litaratury i mastactva», u Andreja Michajłaviča skončyŭsia kantrakt. Jamu było prapanavana pierajści na poŭnuju staŭku, ale piśmieńnik admoviŭsia. «Vy ž razumiejecie, pasada, jakaja patrabuje zaŭsiodnaj raboty z aŭtarami, nie moža zajmać tolki paŭstaŭki», — kaža Aleś Badak.

Hałoŭny redaktar haziety «Źviazda» Alaksandr Karlukievič razmaŭlać s žurnalistam admoviŭsia, spasłaŭšysia na zaniataść.

0

0

0

0

0

0

Tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH