Trahiedyja zdaryłasia 23 žniŭnia kala 15-j hadziny na Indurskaj šašy ŭ rajonie pavarotu na vulicu Paŭdniovaja.
Dziaŭčynka i dva chłopčyki adnaho ŭzrostu hulali ŭ pole pobač z prajeznaj častkaj.
U niejki momant 7-hadovy chłopčyk padlez pad ustalavanuju ŭzdoŭž darohi barjernuju mietaličnuju aharodžu i staŭ pierabiahać prajeznuju častku pa-za piešachodnym pierachodam. Chłopčyk stuknuŭsia ŭ pravy bok «Reno», što ruchałasia pa šašy. Jaho adkinuła nazad pad koły spadarožnaj «Aŭdzi». Kiroŭca-žančyna nacisnuła na tarmazy, adnak nie zmahła praduchilić najezd, a paśla hetaha ŭdaryłasia ŭ «Reno».
Chłopčyk pamior na miescy.
Heta ŭžo druhi śmiarotny vypadak u hetym hodzie na darohach Hrodzienskaj vobłaści z udziełam dziaciej. 7 lipienia ŭ Iŭjeŭskim rajonie pad kołami matacyklista biez pravoŭ zahinuła 5-hadovaja dziaŭčynka. Tady kiroŭca ź miesca zdareńnia ŭciok, jaho zatrymali na nastupnyja sutki.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH