Prezident Ukrainy Viktar Janukovič dapuściŭ mahčymaść admovy ad kursu na jeŭraintehracyju. Choć hety kurs zastajecca pryjarytetnym dla Ukrainy, Kijeŭ nie budzie prymać lubyja ŭmovy dla zbližeńnia ź Jeŭrasajuzam, zajaviŭ Janukovič na śviatkavańni Dnia niezaležnaści, spasyłajučysia, vidavočna, na cisk Brusela ŭ spravie asudžanaha
«U zamiežnapalityčnaj płoskaści my zastajemsia viernymi jeŭrapiejskamu vybaru, my ŭpeŭniena prakładajem darohu raźvićcia sučasnaj jeŭrapiejskaj dziaržavy, — skazaŭ Janukovič. — Adnak intehracyja luboj canoj — za košt straty niezaležnaści, ekanamičnych ci terytaryjalnych sastupak, za košt dazvołu ŭmiešvacca va ŭnutranyja spravy — takuju darohu my nikoli nie ŭsprymali i nie prymiem. Svaboda i niezaležnaść — heta samaja hałoŭnaja ŭmova pośpiechu i roskvitu Ukrainy».
Jeŭrapiejskaja intehracyja zastavałasia adnoj z hałoŭnych temaŭ palityčnaha paradku, zadadzienaj Janukovičam paśla pieramohi na prezidenckich vybarach. U hetym jon praciahvaŭ palityku svajho papiarednika i palityčnaha apanienta Viktara Juščanki, adkrytaha zachodnika i hałoŭnaha abaroncy kursu na jeŭraintehracyju. Biez zvarotu da temy zbližeńnia ź Jeŭrapiejskim sajuzam jon nie moh by raźličvać na hałasy centrysckich vybarščykaŭ, jakija stamilisia ad chaatyčnaha kiravańnia Juščanki, ale ŭsio ž raźličvajuć rana ci pozna ŭbačyć svaju krainu ŭ Jeŭropie, kazali tady ekśpierty. Hetak ža daviałosia try hady tamu zrabić i małdaŭskim kamunistam, jakija pierad vybarami 2009 hoda taksama abviaścili kurs na jeŭraintehracyju.