Trenier žanočaj zbornaj Rasii pa valejbole Siarhiej Aŭčyńnikaŭ byŭ znojdzieny miortvym u hateli «Dyjamient» u charvackim Porečy padčas trenirovačnaha zboru maskoŭskaha «Dynama». Siarhieju Aŭčyńnikavu było 43 hady.
Charvackija ŚMI paviedamili, što treniera znajšli ŭ piatli.
«Palicejskaje viedamstva, abśledavaŭšy miesca hibieli i nie znajšoŭšy śladoŭ hvałtu, pryjšło da vysnovy, što pamierły pakončyŭ z saboj», — paviedamiła
Papiarednik niabožčyka na pasadzie treniera zbornaj Rasii Uładzimir Kuziutkin adznačyŭ, što moža skazać pra Aŭčyńnikava «tolki dobraje».
«Heta byŭ vydatny trenier. Ja vykazvaju spačuvańni ŭsim rodnym, blizkim i siabram, kamandzie i ŭsim, chto pracavaŭ ź im», — skazaŭ Kuziutkin.
Hałoŭny trenier mužčynskaj zbornaj pa valejbole Uładzimir Alekna vykazaŭ mierkavańnie, što niaŭdača na Alimpijadzie stała padstavaj dla mocnych pieražyvańniaŭ jaho kalehi.
«Jon nie vielmi havarki, navat paśla pieramoh byŭ u rozdumach, kuryŭ šmat», — adznačyŭ Alekna.
U čverćfinale žanočaja zbornaja Rasii sastupiła budučamu čempijonu, zbornaj Brazilii ź likam 2:3.
